ଇମ୍ଫା ପକ୍ଷରୁ ନୂତନ ଗୋଷ୍ଠୀ ଶିକ୍ଷା କେନ୍ଦ୍ର ଉଦ୍ଘାଟିତ
Rasmita Behera
ାା ପ୍ରଭାନୁ୍ୟଜ ।ା କାଳିଆପାଣି : ସୁକିନ୍ଦା ବ୍ଲକ ରାଁସୋଳ ଗ୍ରାମ ପଞ୍ଚାୟତ ଅନ୍ତର୍ଗତ କଳରଙ୍ଗି ଗ୍ରାମ ଦେହୁରୀ ସାହି ଗୋଷ୍ଠୀ କେନ୍ଦ୍ର ଠାରେ ବଂଶୀଧର ପଣ୍ଡା ଓ ଇଲା ପଣ୍ଡା ଫାଉଣ୍ଡେସନ୍ ପକ୍ଷରୁ ମୌଳିକ ଶିକ୍ଷା ପ୍ରଦାନ କରିବା ଉଦେ୍ଦଶ୍ୟରେ ନୂତନ ଗୋଷ୍ଠୀ ଶିକ୍ଷା କେନ୍ଦ୍ର ଉଦଘାଟିତ ହୋଇଯାଇଛି । ବିଆଇପିଏଫ୍ ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମରେ ସୁକିନ୍ଦା ମଣ୍ଡଳ ଶିକ୍ଷା ଅଧିକାରୀ ନାରାୟଣ ଦାସ, ଇମ୍ଫା ଖଣି ମୁଖ୍ୟ ସନ୍ଦୀପ ବାପୁ ରାଉଜି ନାରାଡେ ଓ ସ୍ଥାନୀୟ ରାଁସୋଳ ପଞ୍ଚାୟତ ସରପଞ୍ଚକନକ ଲତା ସର୍ଦ୍ଦାର ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ । ବିଆଇପିଏଫ୍ର ଉପ ମହାପ୍ରବନ୍ଧକ ନିଳେନ୍ଦୁ ଚାଟାର୍ଜୀ ଅନ୍ୟତମ ଅତିଥି ଭାବେ ଯୋଗ ଦେଇଥିଲେ । ଉପସ୍ଥିତି ସମସ୍ତ ଅତିଥି ମାନେ ନିଜ ନିଜ ଅଭିଭାଷଣରେ ଆଜିର ପବିତ୍ର ଦିବସରେ ମହିଳା ମାନଙ୍କର ଶିକ୍ଷାର ଭୂମିକା ଏକ ସୁସ୍ଥ ସମାଜ ଗଠନରେ ସହାୟକ ପ୍ରଦାନ ଉପରେ ଆଲୋକପାତ କରିଥିଲେ । ଖଣି ଅଞ୍ଚଳର ବିଭିନ୍ନ ଗ୍ରାମରୁ ୪୦ଜଣ ଶିକ୍ଷାର୍ଥୀ କାର୍ଯ୍ୟକ୍ରମରେ ଭାଗ ନେଇଥିଲେ । ନିକଟ ଭବିଷ୍ୟତରେ ଆରମ୍ଭ ହେବାକୁ ଯାଉଥିବା ୫ ଗୋଟି ନୂତନ ଶିକ୍ଷାକେନ୍ଦ୍ରର ଶିକ୍ଷାର୍ଥୀ ମାନଙ୍କୁ ପାଠ୍ୟ ଉପକରଣ ପ୍ରଦାନ କରାଯାଇଥିଲା । ଏହି କାର୍ଯ୍ୟକ୍ରମକୁ ବିଆଇପିଏଫ୍ର ସହକାରୀ ପରିଚାଳକ ଆସିଶ ଦାସ ଓ କାର୍ଯ୍ୟକ୍ରମ ଅଧିକାରୀ ମହାମାୟା ମହାଦେବ ପାଲ୍ ପରିଚାଳନା କରିଥିବା ବେଳେ ଇମ୍ଫାର ବରିଷ୍ଠ ଲୋକ ସମ୍ପର୍କ ଅଧିକାରୀ ମିଲନ ରଞ୍ଜନ କରଙ୍କ ସହ ଲୋକ ସମ୍ପର୍କ ଅଧିକାରୀ ମୋନାଲିସା ପରିଡ଼ା ସହଯୋଗ କରିଥିଲେ । ବିଆଇପିଏଫ୍ ପକ୍ଷରୁ ଶମ୍ଭୁନାଥ ନାୟକ, ଉମା ପ୍ରଧାନ, ବୈଜୟନ୍ତୀ ମହାପାତ୍ର, ଦିବ୍ୟସୁନ୍ଦର ସାହୁ, କୌଶଲ୍ୟା ମହାନ୍ତ, ରୂପାଲି ପ୍ରଧାନ ପ୍ରମୁଖ ସହଯୋଗ କରିଥିଲେ ।
