ଏନ୍ସିସି ଦିବସ ପାଳିତ
Rasmita Behera
5598
କାକଟପୁର: କାକଟପୁର ସରକାରୀ ଉଚ୍ଚ ବିଦ୍ୟାଳୟ ପ୍ରାଙ୍ଗଣରେ ୭୫ ତମ ଏନ୍ସିସି ଦିବସ ପାଳିତ ହୋଇଯାଇଛି । ବିଦ୍ୟାଳୟର ଏନ୍ସିସି ଶିକ୍ଷୟିତ୍ରୀ ସ୍ୱପ୍ନାରାଣୀ ମହାପାତ୍ରଙ୍କ ତତ୍ୱାବଧାନରେ ପିଲାମାନେ ପ୍ୟାରେଡ୍ ଶୋଭାଯାତ୍ରାରେ ବାହାରି ବଜାର ପରିକ୍ରମା କରିଥିଲେ । ବିଦ୍ୟାଳୟର ବରିଷ୍ଠ ଶିକ୍ଷକ ପ୍ରତାପ କୁମାର ରାଉତ ପତାକା ଉତ୍ତୋଳନ କରି ଶାନ୍ତି ଶୃଙ୍ଖଳା ଶିକ୍ଷା କରିବା ସହିତ ଦେଶ ମାତୃକାର ସେବା କରିବାକୁ ଏନ୍ସିସି ପିଲାମାନଙ୍କୁ ଉଦ୍ବୋଧନ ଦେଇଥିଲେ । ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀକାନ୍ତ କୁମାର ସ୍ୱାଇଁ ପିଲାମାନଙ୍କୁ ଭବିଷ୍ୟତରେ ପ୍ରତିରକ୍ଷା ବିଭାଗରେ ଯୋଗଦେବାକୁ ପରାମର୍ଶ ଦେବା ସହିତ ପ୍ରାକୃତିକ ବିପର୍ଯ୍ୟୟ ସମୟରେ କିପରି ବିପନ୍ନଙ୍କୁ ଉଦ୍ଧାର କରାଯାଏ ତାହାର ସମ୍ୟକ ସୂଚନା ପ୍ରଦାନ କରିଥିଲେ । ଶେଷରେ ଜାତୀୟ ସଙ୍ଗୀତ ଗାନ କରାଯାଇ ବୀର ଶହୀଦ୍ ଜବାନଙ୍କ ଉଦେ୍ଦଶ୍ୟରେ ଦୁଇ ମିନିଟ୍ ନୀରବ ପ୍ରାର୍ଥନା କରାଯାଇ ମିଷ୍ଠାନ୍ନ ବଣ୍ଟନ କରାଯାଇଥିଲା ।
