କାର ଲୁଟ୍ ଘଟଣାରେ ୨ ଅଟକ
Rasmita Behera
4500
ପଟ୍ଟାମୁଣ୍ଡାଇ : ପଟ୍ଟାମୁଣ୍ଡାଇ ଆଦର୍ଶ ଥାନା ଅନ୍ତର୍ଗତ କଷଣଅଣ୍ଟା ଗ୍ରାମର ଜନୈକ ଯୁବ ବ୍ୟବସାୟୀଙ୍କ କାର ଗତ ୨୯ ତାରିଖ ଚୋରି ହୋଇଥିଲା । ଚୋରମାନେ ଗ୍ରାହକ ବେଶରେ ଆସି ଯୁବ ବ୍ୟବସାୟୀଙ୍କ ବ୍ୟସ୍ତତା ଓ ଅସାବଧାନତାର ସୁଯୋଗ ନେଇ କାର ଚାବି ଧରି କାରଟିକୁ ଚୋରି କରି ଫେରାର ହୋଇ ଯାଇଥିଲେ । ଏ ସମ୍ପର୍କରେ ଉକ୍ତ ବ୍ୟବସାୟୀ ଓ କାର ମାଲିକ ପଟ୍ଟାମୁଣ୍ଡାଇ ଆଦର୍ଶ ଥାନାରେ ଅଭିଯୋଗ କରିଥିଲେ । ସ୍ଥାନୀୟ ପୁଲିସ ଏ ସମ୍ପର୍କରେ ଥାନା କେଶ ନଂ ୩୫୮/୨୪ରେ ଏକ ଚୋରି ମାମଲା ରୁଜୁ କରି ଘଟଣାର ତଦନ୍ତ କରିଥିଲା । ପଟ୍ଟାମୁଣ୍ଡାଇ ପୁଲିସ ଉକ୍ତ ଚୋରି କାରକୁ ଜଗତପୁରଠାରେ ଜବତ କରିଛି । ଏହି ଘଟଣାରେ ସମ୍ପୃକ୍ତ ୫ଜଣଙ୍କ ମଧ୍ୟରୁ ୨ଜଣଙ୍କୁ ଧରି ଥାନାରେ ଅଟକ ରଖି ଅଧିକ ତଦନ୍ତ କରୁଛି ।
