କ୍ୟାମେରା ଚୋରି, ଥାନାରେ ଅଭିଯୋଗ
Rasmita Behera
4781
ସୋର: ସୋର ବ୍ଲକ ମୁଳିଶିଂ ପଞ୍ଚାୟତ ଥାଳା ଗ୍ରାମରେ ଏକ ବାହାଘରରେ ଭିଡିଓ ସୁଟିଂ କରିବାକୁ ଯାଇଥିବା ବେଳେ ଏକ କ୍ୟାମେରା ଚୋରି ହୋଇଥିବା ନେଇ ସୋର ଥାନାରେ ଅଭିଯୋଗ ହୋଇଛି । ଅଇଁରୀ ଗ୍ରାମର ନିହାର ରଞ୍ଜନ ବିଶ୍ୱାଳ ଓ ତାଙ୍କ ସହଯୋଗୀ ଶୁଶାନ୍ତ କୁମାର ଚଣ୍ଡ ଥାଳା ଗ୍ରାମର ବନମାଳୀ ଶିଅଳଙ୍କ ଝିଅ ବାହାଘରରେ ଫଟୋ ଏବଂ ଭିଡିଓ ଉଠାଇବାକୁ ଯାଇଥିଲେ । ଦିନ ତମାମ କାର୍ଯ୍ୟ କରି ସାରିବା ପରେ ସନ୍ଧ୍ୟାରେ ଫାଙ୍କା ଥିବାରୁ କ୍ୟାମେରାକୁ ପ୍ୟାକିଙ୍ଗ କରି ବନମାଳୀଙ୍କ ଘର ଖଟ ତଳେ ରଖି ବାହାରେ ବସି ଟିଫିନ ଖାଇଥିଲେ । ପରେ ସେଠାରୁ ଆସି ଖଟ ତଳେ ବ୍ୟାଗରେ ରଖିଥିବା ନିକନ ଜେଡ ୬ ମଡେଲର କ୍ୟାମେରାଟି ବ୍ୟାଗରେ ନ ଥିବା ଜାଣିପାରି ଖୋଜାଖୋଜି କରିଥିଲେ । ସେହି ସମୟରେ ଖଟ ଉପରେ ବସିଥିବା ମହିଳା ଜଣଙ୍କ କେହି ଜଣେ କ୍ୟାମେରା ଟିକୁ ନେଇଯାଇଥିବା କହିଥିଲେ । ଏ ବାବଦରେ ନିହାର ଆଜି ସନ୍ଧ୍ୟାରେ ସୋର ଥାନାରେ ଅଭିଯୋଗ କରିବା ପରେ ପୁଲିସ ଘଟଣାର ତଦନ୍ତ ଆରମ୍ଭ କରିଛି ।
