୨ ବାଇକ୍ ମୁହାଁମୁହିଁ ଧକ୍କା, ୪ ଗୁରୁତର
Rasmita Behera
ହିଞ୍ଜିଳିକାଟୁ: ଜାତୀୟ ରାଜପଥ ତଥା ହିଞ୍ଜିଳି ଥାନା ସାରୁ - ସମରଝୋଳ ମଧ୍ୟବର୍ତ୍ତୀ ରାସ୍ତାରେ ୨ ବାଇକ୍ ମୁହାଁମୁହିଁ ଧକ୍କା ଘଟିଛି । ଦୁର୍ଘଟଣାରେ ଉଭୟ ମୋଟର ସାଇକେଲରେ ଯାଉଥିବା ୪ ଜଣ ଗୁରୁତର ଆହତ ହୋଇଛନ୍ତି । ଆହତମାନେ ହେଲେ ହିଞ୍ଜିଳି ଥାନା ସୋମପୁର ଗ୍ରାମର ସାଇରାମ ଗୈାଡ, ନିମଖଣ୍ଡି ଥାନା ବୋରିଗାଁର ଅଜୟ ସେଠି, ଗିରିଧର ସାହୁ ଓ ବିଭୁ ସେଠି । ସ୍ଥାନୀୟ ଲୋକେ ଆହତଙ୍କୁ ଉଦ୍ଧାର କରି ଚିକିସôା ପାଇଁ ହିଞ୍ଜିଳିକାଟୁ ଉପଖଣ୍ଡ ଚିକିସôାଳୟରେ ଭର୍ତ୍ତି କରିଥିଲେ । ଆହତ ସମସ୍ତଙ୍କ ଅବସ୍ଥା ଗୁରୁତରଥିବାରୁ ସେମାନଙ୍କୁ ପ୍ରାଥମିକ ଚିକିସôା ପରେ ଅଧିକ ଚିକିସôା ପାଇଁ ବ୍ରହ୍ମପୁର ବଡ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଥିଲା । ପ୍ରକାଶ ଯେ, ଗୁରୁବାର ସଂନ୍ଧ୍ୟାରେ ହିଞ୍ଜିଳିକାଟୁଠାରୁ କାର୍ଯ୍ୟ ସାରି ୩ ଜଣ ଟାଇଲ ମିସ୍ତ୍ରୀ ଅଜୟ, ଗିରିଧାରୀ ଓ ବିଭୁ ମୋଟର ସାଇକେଲ ଯୋଗେ ବୋରିଗାଁକୁ ଯାଉଥିବା ବେଳେ ସାଇରାମ ମୋଟର ସାଇକେଲ ଯୋଗେ ବ୍ରହ୍ମପୁରଠାରୁ ସୋମପୁର ଅଭିମୁଖେ ଆସୁଥିଲେ । ସାରୁ - ସମରଝୋଳ ମଧ୍ୟବର୍ତ୍ତୀ ରାସ୍ତାରେ ମୁହାଁମୁହିଁ ଧକ୍କା ଘଟିଥିଲା । ଖବର ପାଇ ହିଞ୍ଜିଳି ପୁଲିସ ଘଟଣା ସ୍ଥଳରେ ପହଞ୍ଚି ଦୁର୍ଘଟଣାଗ୍ରସ୍ତ ଉଭୟ ମୋଟର ସାଇକେଲକୁ ଜବତ କରି ଘଟଣାର ତଦନ୍ତ ଚଳାଇଛି ।
