ଝିଅ ସାମ୍ନାରେ ବାପାକୁ ପଥରରେ ଆକ୍ରମଣ ; ଅଭିଯୁକ୍ତ ଗିରଫ
Jitendra Sahu
ଭୁବନେଶ୍ୱର, ୦୧ା୬ : ଘର ସାମ୍ନାରୁ ଫୁଲକୁଣ୍ଡ ଚୋରି କରିବାକୁ ନେଇ ବିରୋଧ କରିବାରୁ ଘରେ ପଶି ଝିଅ ସାମ୍ନାରେ ବାପାକୁ ପଥର ମାରି ମରଣାନ୍ତକ ଆକ୍ରମଣ । ଅଭିଯୋଗ ପରେ ଅଭିଯୁକ୍ତକୁ ଗିରଫ କଲା ଲକ୍ଷ୍ମୀସାଗର ଥାନା ପୁଲିସ । ଗିରଫ ଅଭିଯୁକ୍ତ ହେଲା, ସୁଜିତ୍ ଲାଲ୍ । ପୂର୍ବରୁ ଏହି ମାମଲାରେ ଜଣେ ଅଭିଯୁକ୍ତ ଗିରଫ ଭୟରେ କୋର୍ଟରେ ଆତ୍ମସମର୍ପଣ କରିଥିଲା ।
ସୂଚନାଯୋଗ୍ୟଯେ, ଅଭିଯୋଗକାରୀ ପ୍ରଶାନ୍ତ କୁମାର ନାୟକ ଜଣଙ୍କ କିଛି ଫୁଲକୁଣ୍ଡ ଆଣି ଘର ସମ୍ମୁଖରେ ସଜାଇ ଥିଲେ । ଏହି ସମୟରେ କିଛି ଅଭିଯୁକ୍ତ ସେହି ଫୁଲକୁଣ୍ଡ ଗୁଡ଼ିକୁ କେତୋଟି ଫୁଲକୁଣ୍ଡ ଚୋରିକରି ନେଇଯାଇଥିଲେ । ଘଟଣା ଦିନ ଅପରାହ୍ନରେ ଅଭିଯୋଗକାରୀଙ୍କ ଝିଅ ନିଜ ଆଇମାଆଙ୍କ ସହ ଏହି ଫୁଲକୁଣ୍ଡ ଚୋରି ବିଷୟରେ ଫୋନରେ କଥା ହେଉଥିବା ସମୟରେ ଅଭିଯୁକ୍ତ ଏବଂ ତାର ସହଯୋଗୀ ମାନେ ଶୁଣିପାରିଥିଲେ ଓ ସେମାନଙ୍କୁ ଚୋର ବୋଲି ଭାବି ଗାଳିଗୁଲଜ କରୁଥିବା ସନେ୍ଦହ କରିଥିଲେ । ପରେ ସମସ୍ତ ଅଭିଯୁକ୍ତ ସଂଘବଦ୍ଧ ହୋଇ ଅଭିଯୋଗକାରୀଙ୍କ ଘର ଆଗକୁ ଯାଇ ତାଙ୍କ ଝିଅକୁ ଗାଳି ଗୁଲଜ କରିଥିଲେ । ଏହି ସମୟରେ ଅଭିଯୋଗକାରୀ ସେମାନଙ୍କୁ ବିରୋଧ କରିବାରୁ ଅଭିଯୁକ୍ତ ମାନେ ଉତ୍ତ୍ୟକ୍ତ ହୋଇ ହଠାତ ପଥରରେ ମରଣାନ୍ତକ ଆକ୍ରମଣ କରିଥିଲେ । ଏହି ଆକ୍ରମଣରେ ଅଭିଯୋଗକାରୀଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା । ଏନେଇ ଲକ୍ଷ୍ମୀସାଗର ଥାନାରେ ଅଭିଯୋଗ ପରେ ପୁଲିସ ମାମଲା ରୁଜୁକରି ତଦନ୍ତ ଚଳାଇଥିବା ବେଳେ ଜଣେ ଅଭିଯୁକ୍ତ ଗିରଫ ଭୟରେ କୋର୍ଟରେ ଆତ୍ମସମର୍ପଣ କରିଥିଲେ । ହେଲେ ଅନ୍ୟ ୨ ଜଣଅଭିଯୁକ୍ତଙ୍କୁ ପୁଲିସ ଗିରଫ କରିଥିଲା । ହେଲେ ମୁଖ୍ୟ ଅଭିଯୁକ୍ତ ପୁଲିସ ହାତରୁ ଫେରାର ରହିଥିବା ବେଳେ ଆଜି ତାକୁ ଗିରଫ କରାଯାଇଛି ।
