ଅବକାରୀ ଜାଲରେ ନିଶା ବେପାରୀ ; ୫୨ଗ୍ରାମ ବ୍ରାଉନସୁଗା ଜବତ
Jitendra Sahu
5142
ଭୁବନେଶ୍ୱର, ୨୨ା୬ : ପେଟ୍ରୋଲିଂ ବେଳେ ମୈତ୍ରୀବିହାର ଥାନା ଅଧିନ ସେଣ୍ଟ ଜାଭିୟର ନିକଟରୁ ଜଣେ ଧଳା ଜହର ବେପାରୀକୁ ଗିରଫ କରିବା ସହ ତାଠାରୁ ୫୨ ଗ୍ରାମ ବ୍ରାଉନସୁଗାର ଜବତ କରାଯାଇଛି । ଗିରଫ ଅଭିଯୁକ୍ତ ହେଲା, ବରମୁଣ୍ଡା ମହିମା ମିଶ୍ର ସାହିର ପ୍ରଫୁଲ ବେହେରା । ଆଜି ତାକୁ କୋର୍ଟ ଚାଲାଣ କରାଯାଇଛି ।
ସୂଚନାଯୋଗ୍ୟଯେ, ଶନିବାର ସକାଳୁ ସକାଳୁ ଭୁବନେଶ୍ୱର ଅବକାରୀ ଥାନା ୨ର ସ୍ପେଶାଲ ଟିମ ମୈତ୍ରୀବିହାର ଥାନା ଅଞ୍ଚଳରେ ପେଟ୍ରୋଲିଂ ଚଳାଇଥିଲେ । ଏହି ସମୟରେ ସେଣ୍ଟ ଜାଭିୟର ଚକରେ ଜଣେ ନିଶା ବେପାରୀ ବାଇକରେ ଆସି କିଛି ବେପାରୀଙ୍କୁ ଧଳାଜହର ବିକ୍ରି କରିବାକୁ ଅପେକ୍ଷା କରିଥିବା ଖବର ପାଇଥିଲା ଟିମ । ଖବର ପାଇ ସଙ୍ଗେ ସଙ୍ଗେ ଘଟଣା ସ୍ଥଳରେ ଚଢ଼ାଉ କରି ଅଭିଯୁକ୍ତକୁ କାବୁ କରିବା ସହ ତାଠାରୁ ୫ ଲକ୍ଷ ଟଙ୍କାର ୫୨ ଗ୍ରାମ ଧଳାଜହର ଜବତ କରାଯାଇଥିଲା । ପରେ ତାକୁ ଥାନାକୁ ଆଣି ମାମଲା ରୁଜୁକରି ଅଭିଯୁକ୍ତକୁ କୋର୍ଟ ଚାଲାଣ କରାଯାଇଛି ।
