ଠକି ଦେଲା ଠିକାଦାର : ବାଲେଶ୍ୱର ଆଲଏଜ୍ ଖଣିରେ ଶ୍ରମିକ ଶୋଷଣ
Rasmita Behera
ଯାଜପୁର : ପରିବର୍ତ୍ତନ ନାଁ ରେ ଶ୍ରମିକ ଶୋଷଣ । ବଡ଼ ଚତୁରତାର ଶହ ବାଲେଶ୍ୱର ଆଲଏଜ୍ ଖଣିରେ ବୋଝେଇ ଶ୍ରମିକଙ୍କ ଭାବନା ଶହ ଖେଳ ଖେଳା ଯାଉଛି । ପ୍ରଥମେ ଖଣିରେ ଲେବର ବ୍ୟାଚ୍ ଉଠିବା, ପରେ ସ୍ପେସିଆଲ କୋଟା ଉଠିବା ତାପରେ ଫାର୍ଷ୍ଟ କମ୍ ଫାର୍ଷ୍ଟ ଲୋର୍ଡ ଲାଗୁହେବା ଏହା ଏକ ଅଭିଶାପ ସଦୃଶ । ବର୍ତମାନ୍ ଶ୍ରମିକ ସଂଘ ପରିବର୍ତନ ନାଁରେ ବଡଧରଣର ଠକାମୀର ଶିକାର ହେଉଛନ୍ତି ବୋଝେଇ ଶ୍ରମିକ । ସୂଚନା ଅନୁଯାୟୀ ବାଲେଶ୍ୱର ଇସ୍ପାତ ଖଣିରେ ୨୦୨୦କରୋନା ସମୟରେ ଖଣିରେ ୧୦ମାସ ଶ୍ରମିକ କାମ କରିନାହାନ୍ତି । କାରଣ ସାରା ଭାରତ ରେ କରୋନା କଟକଣା ପାଇଁ ଲୋକମାନେ ଘରେ ବସବାସ କରୁଥିଲେ । କୌଣସି ଲୋକ କର୍ମକ୍ଷେତ୍ରକୁ ଯାଇନଥିଲେ । ସେହି ପରିପ୍ରେକ୍ଷୀରେ ସରକାର୍ ଗାଡ଼ି ଚଳାଚଳ ଓ ଟ୍ରାନ୍ସପୋର୍ଟକୁ ଗୁରୁତ୍ୱ ଦେଇଥିଲେ । ତାହାର ସୁଯୋଗ ନେଇ ବୋଝେଇ ଖାତାଦର ଉପସ୍ଥିତିରେ ଗାଡ଼ି ବୋଝେଇ ହେଲା । ୨୦୨୦ ଜୁନ୍ ମାସ ଠାରୁ ଜାନୁୟାରୀ ମାସ ପର୍ଯ୍ୟନ୍ତ ୧୧,୭୧୮ ଟ୍ରିପ୍ ୬ ଚକିଆ ଟ୍ରକ୍ରେ କ୍ରୋମାଇଟ ପରିବହନ ହୋଇଥିଲା । ଆନୁମାନିକ ୧୨୮,୮୯୮ ଟନ୍ କ୍ରୋମାଇଟ ରପ୍ତାନି ହୋଇଛି । ପ୍ରାପ୍ୟ ସ୍ୱରୂପ ଶ୍ରମିକ ମାନଙ୍କୁ ୧୦ମାସର ବାକିଆ ବାବଦକୁ ୧,୦୭,୮୦,୫୬୦ ଟଙ୍କା ମିଳିବାର ଥିଲା କିନ୍ତ୍ ଅଦ୍ୟାବଧି ମିଳିନାହିଁ । ଯାହା ମିଳିଛି ସମୁଦ୍ରକୁ ସଂଖେ । ୧୫ଟି ଗ୍ୟାଙ୍ଗରୁ ପାଖାପାଖି ୨୧୦ଜଣ ଶ୍ରମିକ କାର୍ଯ୍ୟ କରିଥାନ୍ତି । ୮ ମାସର କରୋନା ସମୟର ଦରମା ଜଣକା ମାତ୍ର ୬,୦୦୦ଟଙ୍କା ଦେଇ ଠିକାଦାର ଖସି ଯାଇଥିଲା । ନୂତନ ଭାବରେ ଆସିଥିବା ଓ.ଏମ.ଡବ୍ଲୋ.ୟୁ ସଂଘ ରେ ସାମିଲ ହୋଇ ଅଧିକାର ପାଇବା ଆଶା ରଖିଥିଲେ । କିନ୍ତୁ ତାହା କୌଣସି ଫଳପ୍ରଦ ହୋଇନଥିଲା । ଆଜି କିଛି ଶ୍ରମିକ ପାଉଣା ପାଇ ଛକ ବଜାରରେ ନିଜର ଅସନ୍ତୋଷ ପ୍ରକାଶ କରିଥିଲେ । କହିଥିଲେ ଆମେ ଧାନକୁ ଦେଖିଲୁ କିନ୍ତ ପୁରୁଣା ନେତାର ମନକୁ ଚିହ୍ନି ପାରିଲିନି । ଯିଏ ଆମକୁ ରୋଜଗାର ଦେଇଥିଲା ତାକୁ ଭୁଲିଯାଇଥିଲୁ । ଏଭଳି କହି ଦୁଇ ଚାରିଜଣ କଥା କଥୋପନ ହେଉଥାନ୍ତି । କେବଳ ୧୦/୧୨ଲକ୍ଷ ଟଙ୍କା ଦେଇ ଆଉ ଅବଶିଷ୍ଟ ଟଙ୍କା ସ୍ୱାହା କରିଦେଇଥିବା ଆଲୋଚନା ହେଉଛି ।
