ଦୋକାନ ତାଲା ଭାଙ୍ଗି ଲୁଟ୍ ; ଲୁଟେରା ଗିରଫ
Jitendra Sahu
ଭୁବନେଶ୍ୱର, ୨ା୫ : ବିଳମ୍ବିତ ରାତିରେ ଏକ ଗ୍ରୋସରୀ ଦୋକାନର ତାଲା ଭାଙ୍ଗି ଲୁଟ୍ । ଏନେଇ ଥାନାରେ ଅଭିଯୋଗ ପରେ ମୈତ୍ରୀବିହାର ଥାନା ପୁଲିସ ୧୯୦ରେ ମାମଲା ରୁଜୁକରି ତଦନ୍ତ ଚଳାଇ ଗୁରୁବାର ଦିନ ଲୁଟେରାକୁ ଗିରଫ କରି କୋର୍ଟ ଚାଲାଣ କରିଛି । ଗିରଫ ଅଭିଯୁକ୍ତ ହେଲା, ସାଲିଆସାହି ନିରାକାର ସାହିର ସନ୍ତୋଷ ନାୟକ ।
ସୂଚନାଯୋଗ୍ୟଯେ, ଅଭିଯୋଗକାରୀ ନାରାୟଣ ସାହୁଙ୍କ ମୈତ୍ରୀବିହାର ଥାନା ଅଧିନ ତାରିଣୀ ନଗର ଅନ୍ତର୍ଗତ ପାତ୍ର ସାହିରେ ଏକ ଗ୍ରୋସରୀ ଦୋକାନ ରହିଛି । ଗତ ଏପ୍ରିଲ ମାସ ୨୮ ତାରିଖ ବିଳମ୍ବିତ ରାତିରେ ଅଭିଯୁକ୍ତ ଏବଂ ତାର ସହଯୋଗୀ ମିସି ଅଭିଯୋଗକାରୀଙ୍କ ଦୋକାନର ତାଲା ଭାଙ୍ଗି ଭିତରେ ପଶିବା ସହ ଡ୍ରରୁ ୧୩ ହଜାର ଟଙ୍କା, କିଛି ଗ୍ରୋସରୀ ସାମଗ୍ରୀ ଏବଂ ଏକ ମୋବାଇଲ ଫୋନ ଚୋରି କରି ନେଇଯାଇଥିଲେ । ସକାଳୁ ଏହି ଘଟଣା ଜାଣିବା ପରେ ଅଭିଯୋଗକାରୀ ମୈତ୍ରୀବିହାର ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ ମୈତ୍ରୀବିହାର ଥାନା ପୁଲିସ ମାମଲା ରୁଜୁକରି ଦୋକାନରେ ଲାଗିଥିବା ସିସିଟିଭି ଫୁଟେଜ୍କୁ ଯାଞ୍ଚ୍ କରି ଅଭିଯୁକ୍ତକୁ ଚିହ୍ନଟ କରି ଆଜି ସାଲିଆସାହିରୁ ଗିରଫ କରାଯାଇଛି ।
