ଚାଲିଥିଲା ମଦ କାରବାର - ଚଢ଼ଉ କଲା ପୁଲିସ
Jitendra Sahu
ଜଣେ ଗିରଫ; ୩୦୦ ଲିଟର ଦେଶୀମଦ ଏବଂ ସାମଗ୍ରୀ ଜବତ
ଭୁବନେଶ୍ୱର, ୧୬ା୧୧ : ସାଲିଆସାହିର ଶକ୍ତି ବିହାରର ଏକ ଘରେ ଦେଶୀମଦ ରନ୍ଧା ଚାଲିଥିବା ଖବର ପାଇ ଅଚାନକ ଚଢ଼ଉ କରି ଭାଟିକୁ ଭାଙ୍ଗିଲା ମୈତ୍ରୀବିହାର ଥାନା ପୁଲିସ । ଘରୁ ୩୦୦ ଲିଟର ଦେଶୀମଦ ସହ ମଦ ତିଆରି ସାମଗ୍ରୀକୁ ଜବତ କରାଯାଇଛି । ତାହାସହ ମଦ ତିଆରି କରୁଥିବା ବେପାରୀକୁ ମଧ୍ୟ ଗିରଫ କରାଯାଇଛି । ଗିରଫ ଅଭିଯୁକ୍ତ ହେଲା, ଶକ୍ତି ବିହାର ସାଲିଆସାହିର ଶ୍ରୀକାନ୍ତ ସିଂହ । ଆଜି ତାକୁ କୋର୍ଟ ଚାଲାଣ କରାଯାଇଛି ।
ସୂଚନା ଯୋଗ୍ୟଯେ, ଆଜି ସକାଳୁ ସକାଳୁ ସାଲିଆସାହି ଶକ୍ତି ବିହାରର ଏକ ଘରେ ଦେଶୀମଦ ତିଆରି ଚାଲିଥିବା ନେଇ ମୈତ୍ରୀବିହାର ଥାନାର ସ୍ପେଶାଲ ଟିମ ବିଶ୍ୱସ୍ତ ସୁତ୍ରରୁ ଜାଣିବାକୁ ପାଇଥିଲା । ପରେ ଟିମ ଅଚାନକ ବସ୍ତିରେ ଚଢ଼ଉ କରି ଅଭିଯୁକ୍ତକୁ ଗିରଫ କରିବା ସହ ଘର ଭିତରୁ ୩୦୦ ଲିଟର ମଦ ଓ ମଦ ତିଆରି ସାମଗ୍ରୀ ଜବତ କରାଯାଇଛି । ଏହି ସମୟରେ ଆଖପାଖରେ ଚୋରାରେ ଚାଲିଥିବା ଅନ୍ୟ ବେପାରୀ ମାନେ ୩ଟି ଘରକୁ ତାଲା ପକାଇ ଫେରାର ହୋଇଯାଇଥିଲେ । ଫଳରେ ପୁଲିସ ଅଭିଯୁକ୍ତକୁ ଗିରଫ କରିବା ସହ ମଦ ଓ ମଦ ତିଆରି ସାମଗ୍ରୀକୁ ଜବତ କରିଛି ।
