ନିମ୍ନମାନର ଆବାସିକ ବିଦ୍ୟାଳୟ କୋଠା ନିର୍ମାଣ

 କୋଷାଗୁମୁଡା: କାହାରିକି ଖାତିର ନାହି ଠିକାସଂସ୍ଥାର  । ମନମୁଖୀ ଚାଲିଛି ଅତି ନିମ୍ନମାନର ଏକଲବ୍ୟ ମଡେଲ ଆବାସିକ ବିଦ୍ୟାଳୟ କୋଠା ନିର୍ମାଣ  । ନା ପାଳନ କରାଯାଉଛି ଚୁକ୍ତି ହୋଇଥିବା ଟେଣ୍ଡର ନିୟମ ନା ଦେଖାମିଳୁଛି ବିଭାଗୀୟ ଅଧିକାରୀଙ୍କ  । ଅଣ ଓଡିଆ ପେଟି କଣ୍ଟ୍ରାକ୍ଟର ହାତରେ ଠିକାସଂସ୍ଥା ନିର୍ମାଣ କାର୍ଯ୍ୟ ଟେକି ଦେଇ ମନମୁଖୀ ଚାଲିଛି ନିର୍ମାଣ କାର୍ଯ୍ୟ  । ଏଇଭଳି ଅଭିଯୋଗ ହୋଇଛି କୋଷାଗୁମୁଡା ବ୍ଲକ ସଦର ବଡ ଆମ୍ବଡା ପଞ୍ଚାୟତଠାରେ ନିର୍ମାଣାଧୀନ ଏକଲବ୍ୟ ମଡେଲ ଆବାସିକ ବିଦ୍ୟାଳୟକୁ ନେଇ  । ଜିଲ୍ଲା ପ୍ରଶାସନ ଏଥିପ୍ରତି ସ୍ୱତନ୍ତ୍ର ଦ୍ରୁଷ୍ଟି ଦେଇ ଠିକାସଂସ୍ଥା ବିରୋଧରେ କଡା କାର୍ଯ୍ୟନୁଷ୍ଠାନ ଗ୍ରହଣ କରିବାକୁ ଗ୍ରାମବାସୀ ଦାବି କରିଛନ୍ତି  । ବଡ ଆମ୍ବଡାଠାରେ ପ୍ରାୟ ୧୬ କୋଟି  ଟଙ୍କା ବ୍ୟୟରେ ନୂତନ ଭାବେ ଏକଲବ୍ୟ ମଡେଲ ଆବାସିକ ବିଦ୍ୟାଳୟ କୋଠା ନିର୍ମାଣ ଚାଲିଛି  । ଏହି ନିର୍ମାଣ କାର୍ଯ୍ୟକୁ ଡେଲକୋ ନାମ ଠିକା ସଂସ୍ଥା କରୁଥିବା ନେଇ ଚୁକ୍ତି ହୋଇଥିବାବେଳେ ନିର୍ମାଣ କାର୍ଯ୍ୟ ଅଣ ଓଡିଆ ପେଟି ଠିକାଦାରଙ୍କ ଦ୍ୱାରା ଅତି ନିମ୍ନମାନର ହେଉଥିବା ନେଇ ଗ୍ରାମବାସୀ ଅଭିଯୋଗ କରିଛନ୍ତି  । ଠିକା ସଂସ୍ଥା କିମ୍ଭା ବିଭାଗୀୟ ଅଧିକାରୀଙ୍କ କାମରେ ଉପସ୍ଥିତ ନ ରହି ନିର୍ମାଣ କାର୍ଯ୍ୟକୁ ଠିକାସଂସ୍ଥା ଆଉ ଏକ ସଂସ୍ଥାକୁ ପରିଚାଳନାରେ ରଖି କିଛି ଅଣ ଓଡିଆ ପେଟି କଣ୍ଟ୍ରାକ୍ଟରଙ୍କ ହାତରେ ଟେକିଦେଇ ବିଭାଗ ଚୁପ ବସିଥିବା ଅଭିଯୋଗ ହୋଇଛି  । ନିର୍ମାଣଧୀନ କୋଠା ଗୁଡିକରେ ୱାଟର କୁ୍ୟରିଙ୍ଗ କରାଯାଉନଥିବା ବେଳେ ପିଲର ଗାତ ଗୁଡିକୁ ବାଲି ପକାଇ ଫିଲିଙ୍ଗ କରିବା ପରିବର୍ତ୍ତେ ମାଟି ମୋରୁମ ପକାଇ ଫିଲିଙ୍ଗ କରୁଥିବା ଗ୍ରାମବାସୀ ଅଭିଯୋଗ କରିଛନ୍ତି  । ପେଟି କଣ୍ଟ୍ରାକ୍ଟର ମାନେ କୁଶଳୀ ରାଜମିସ୍ତ୍ରୀ ପରିବର୍ତ୍ତ? ଅଣକୁଶଳୀ ଶ୍ରମିକ ଓ ଶିଶୁ ଶ୍ରମିକ ମାନଙ୍କୁ ନେଇ ନିର୍ମାଣ କାର୍ଯ୍ୟ ଚଳାଇଥିବା ବେଳେ କୋଠା ଗୁଡିକର ୱାଲ ବିମ, କଲମ ଓ କାନ୍ଥ ଗୁଡିକ ବଙ୍କା ଆବଡା ଖବଡା ହୋଇ ଅନେକ ସ୍ଥାନରେ କାନ୍ଥ ଫାଟି ଆଁ କରିଥିବା ଅଭିଯୋଗ ହୋଇଛି  । ଠିକ୍ ଭାବେ ସେଣ୍ଟ୍ରିଙ୍ଗ କରାଯାଇ ନଥିବା ଯୋଗୁଁ ଛାତ ଗୁଡିକ ଅନେକ ସ୍ଥାନରେ ଦବି ଯାଇ ଛାତ ଗୁଡିକ ଆବଡା ଖାବଡା ହୋଇ ଗେପ ହୋଇଥିବା ଗ୍ରାମବାସୀ ଅଭିଯୋଗ କରିଛନ୍ତି  । ନିମ୍ନମାନର ପଟୁ ବାଲି ସହ ପୋଡଶୀ ଛତିଶଗଡ ରାଜ୍ୟର ଖଡି ପଥର ଚିପ୍ସ ବ୍ୟବହାର କରାଯାଇ ନିର୍ମାଣ କାର୍ଯ୍ୟ କରାଯାଉଥିବା ଲୋକେ ଅଭିଯୋଗ କରିଛନ୍ତି  । ଏନେଇ ନିର୍ମାଣ ସ୍ଥଳରେ ନିର୍ମାଣ ସମ୍ବନ୍ଧ କୌଣସି ସୂଚନା ଫଳକଟିଏ ଲାଗିନଥିବା ବେଳେ ଲୋକେ ବାରମ୍ବାର କାମରେ ନିୟୋଜିତ ଥିବା ଅଣ ଓଡିଆ ଠିକାଦାରଙ୍କୁ କହିଲେ କେହି ସୁଦ୍ଧା କର୍ଣ୍ଣପାତ କରୁନଥିବା ଗ୍ରାମବାସୀ ଅଭିଯୋଗ କରିଛନ୍ତି  । ଅଞ୍ଚଳର କିଛି ପ୍ରଭାବଶାଳୀ ବ୍ୟକ୍ତିଙ୍କ ଦ୍ୱାରା ନିର୍ମାଣ କାମରେ ବ୍ୟବହୁତ କଞ୍ଚାମାଲ ଯୋଗାଇବା ଫଳରେ ବିଭାଗ ନିମ୍ନମାନର କାମକୁ ଘଣ୍ଟ ଘଢାଉଥିବା ଗ୍ରାମବାସୀ ଅଭିଯୋଗ କରିଛନ୍ତି  । କାର୍ଯ୍ୟରେ ନିୟୋଜିତ ବିଭାଗୀୟ ଯନ୍ତ୍ରୀଙ୍କ ବିନା ଉପସ୍ଥିତିରେ ନିମ୍ନମାନର ନିର୍ମାଣ କାମ କରୁଥିବା ବେଳେ କାର୍ଯ୍ୟର ସ୍ଥାୟୀତ୍ୱକୁ ନେଇ ଗ୍ରାମବାସୀ ପ୍ରଶ୍ନ ଉଠାଇଛନ୍ତି  । ଏନେଇ ଗ୍ରାମବାସୀ ବିଭାଗୀୟ ଅଧିକାରୀ ଏବଂ ପ୍ରଶାସନ ନିକଟରେ ଅଭିଯୋଗ କଲେ ମଧ୍ୟ କେହି କର୍ଣପାତ କରୁନଥିବା ଦୟାସିନ୍ଧୁ ଭତରା, ଲଛମନ ନାୟକ, ନରହରି ରାଉତ, ଭଗତ ମାଝୀ, ସୁବର୍ଣ୍ଣ ଭତରା, ବିଦ୍ୟାଧର ହରିଜନ, ଛବିଳ ମାଳୀ, ତୁଳାରାମ ମାଝୀ, ଚୈତନ୍ୟ ସମରଥ, କୃପା ରନ୍ଧାରୀ, ସନପତ ବିଶୋଇ, ବଳିରାମ ରାଉତ, ପଦ୍ମନ ଭତରା, ମୋହନ କଲାର, ଡମ୍ବରୁଧର ବିଶୋଇ, ପ୍ରସାଦ ବିଶୋଇ, ଜଗଦୀଶ ବିଶୋଇ, ମୂରଲି ବିଶୋଇ, ଛବିଳ ବିଶୋଇ ପ୍ରମୁଖ ଅଭିଯୋଗ କରିଛନ୍ତି  ।