ନିଶା ବେପାରୀ ଗିରଫ ; ୩ କେଜି ଗଞ୍ଜେଇ, ୪୦ ହଜାର ଟଙ୍କା ଜବତ
Jitendra Sahu
5855
ଭୁବନେଶ୍ୱର, ୧୫ା୪ : ବାଇକରେ ଗଞ୍ଜେଇ କାରବାର ଚଳାଇଥିବା ବେଳେ ଖଣ୍ଡଗିରି ଥାନା ଅଧିକାରୀଙ୍କ ନିଦେ୍ର୍ଦଶ କ୍ରମେ ନିଶା ବେପାରୀକୁ ଧରିଲା ଟିମ । ତଲାସି ବେଳେ ତାଠାରୁ ୩ କେଜି ଗଞ୍ଜେଇ, ୪୦ ହଜାର ଟଙ୍କା ଓ ଏକ ସ୍କୁଟି ଜବତ କରାଯାଇଛି । ଗିରଫ ଅଭିଯୁକ୍ତ ହେଲା, ଡ଼ୁମୁଡ଼ୁମା ରଘୁନାଥନଗରର ସର୍ବେଶ୍ୱର ସେଠୀ ।
ସୂଚନାଯୋଗ୍ୟ ଯେ, ସୋମବାର ସକାଳୁ ଏକ ନମ୍ବର ବିହୀନ ଇଲେକ୍ଟ୍ରୀ ସ୍କୁଟିରେ ଜଣେ ନିଶା ବେପାରୀ ଏମ୍ସ ହସ୍ପିଟାଲ ନିକଟରେ ଛିଡା ହୋଇଥିବା ଖଣ୍ଡଗିରି ଥାନା ଅଧିକାରୀ ଅଭିମନୁ୍ୟ ଦାସ ଜାଣିବାକୁ ପାଇଥିଲେ । ଖବର ପାଇ ସଙ୍ଗେ ସଙ୍ଗେ ଥାନାର ଟିମ ପଠାଇ ଅତର୍କିତ ଚଢ଼ାଉ କରି ବେପାରୀକୁ ଗିରଫ କରାଯାଇଥିଲା । ତଲାସି ବେଳେ ତା ସ୍କୁଟି ଡିକିରୁ ୩ କେଜି ଗଞ୍ଜେଇ, ୪୦ ହଜାର ଟଙ୍କା ଜବତ କରାଯାଇଥିଲା । ପରେ ଜଣାପଡ଼ିଥିଲା ଅଭିଯୁକ୍ତ ଜଣକ ନୟାଗଡ଼ରୁ ଗଞ୍ଜେଇ କଳେକ୍ସନ କରି ଭୁବନେଶ୍ୱର ଆସି ଏମ୍ସ ଅଞ୍ଚଳରେ କିଛି ଦୋକାନୀଙ୍କୁ ବିକ୍ରି କରିଆସୁଥିଲା ।
