୪ ଲୁଟେରା ଗିରଫ; ୫ ମୋବାଇଲ ଜବତ
Jitendra Sahu
ଭୁବନେଶ୍ୱର, ୨୬ା୧୦ : ଏକ ନିର୍ମାଣଧିନ କୋଠାରୁ କିଛି ଶ୍ରମିକ ବିଶ୍ରାମ ନେଉଥିବା ସମୟରେ ସେମାନଙ୍କ ମୋବାଇଲ ଚୋରି । ଏନେଇ ଖଣ୍ଡଗିରି ଥାନାରେ ଅଭିଯୋଗ ପରେ ପୁଲିସ ମାମଲା ରୁଜୁକରି ତଦନ୍ତ ଚଳାଇ ଆଜି ୪ ଜଣ ଲୁଟେରାଙ୍କୁ ଗିରଫ କରିଛି । ସେମାନଙ୍କ ଠାରୁ ୫ଟି ଚୋରା ମୋବାଇଲ ମଧ୍ୟ ଜବତ କରାଯାଇଛି । ପରେ ସମସ୍ତଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି । ଗିରଫ ୪ ଅଭିଯୁକ୍ତ ହେଲେ, ଗଣ୍ଡମୁଣ୍ଡା ଲେନ୍-୪ର ନାରାୟଣ ହରିଚନ୍ଦନ, କର୍ଣ୍ଣ ମହାରଣା, ଡୁମୁଡୁମାର କର୍ଣ୍ଣ ମଣ୍ଡଳ ଓ ଜାଁଳାର ସନ୍ତୋଷ କୁମାର ଭୋଇ ।
ସୂଚନା ଯୋଗ୍ୟଯେ, ଅଭିଯୋଗକାରୀ ଶେଖ ଫିରୋଜ ଏକ କଣ୍ଟ୍ରାକ୍ଟର ହୋଇଥିବା ବେଳେ, କିଛି ମଜୁରିଆଙ୍କୁ ନେଇ ଆଇଟିଆର କଳେଜ ନିକଟରେ କନଷ୍ଟ୍ରକ୍ସନ କାର୍ଯ୍ୟ କରନ୍ତି । ଗତ ୨୦ ତାରିଖ ଅଭିଯୋଗକାରୀଙ୍କ ପୁଅ ଓ ନିର୍ମାଣ କାର୍ଯ୍ୟରେ ନିୟୋଜିତ ଥିବା କିଛି କର୍ମଚାରୀ ରାତିରେ ବିଶ୍ରାମ ନେଉଥିବା ବେଳେ, ଏହାର ସୁଯୋଗ ନେଇ କିଛି ଅଜଣା ଯୁବକ ସେଠାକୁ ଆସି ସେମାନଙ୍କ ନକଟରୁ ୨ଟି ମୋବାଇଲ ଫୋନ ଚୋରି କରି ନେଇଯାଇଥିଲେ । ଏହି ସମୟରେ ଅଭିଯୋଗକାରୀଙ୍କ ପୁଅ ନିଦରୁ ଉଠି ଦେଖିବାକୁ ପାଇଥିଲେ କିଛି ଯୁବକ ମୋବାଇଲ ଚୋରି କରି ଦୌଡ଼ି ପଳାଉଥିବାର । ଏନେଇ ଅଭିଯୋଗକାରୀ ଖଣ୍ଡଗିରି ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ ପୁଲିସ ମାମଲା ରୁଜୁକରି ତଦନ୍ତ ଚଳାଇ ସିସିଟିଭି କ୍ୟାମେରାରୁ ଅଭିଯୁକ୍ତଙ୍କୁ ଚିହ୍ନଟ କରି ଆଜି ୪ ଜଣ ଲୁଟେରାଙ୍କୁ ଗିରଫ କରାଯାଇଛି । ତଲାସି ବେଳେ ସେମାନଙ୍କ ଠାରୁ ୫ଟି ଚୋରା ମୋବାଇଲ ଜବତ କରାଯାଇଛି ।
