ସାବଧାନ ଖଣ୍ଡା ବୁଲୁଛି! ସହରରେ ଭୟର ବାତାବରଣ
Rasmita Behera
ହିିଞ୍ଜିଳିକାଟୁ : ପୁଲିସର ନିଷ୍କି୍ରୟତା ଯୋଗୁଁ ହିିଞ୍ଜିଳିକାଟୁ ସହରରେ ଆଇନ ଶୃଙ୍ଖଳା ବିପର୍ଯ୍ୟସ୍ତ ଅବସ୍ଥାକୁ ଆସିଯାଇଛି । କାରଣ ଅନେକ ନିଶାସକ୍ତ ଯୁବକ ମାରଣାସ୍ତ୍ର ଧରି ସହରରେ ଘୁରି ବୁଲୁଛନ୍ତି । ଏନେଇ ପୁଲିସ୍ ନୀରବ ରହିଛି । ସୋସିଆଲ ମିଡିଆରେ ଜଣେ ଯୁବକ ଖଣ୍ଡା ଧରି ଉତ୍ପାତ ଓ ଆତଙ୍କ ଖେଳାଉଥିବା ଭିଡିଓ ଏବେ ଭାଇରାଲ ହେବାରେ ଲାଗିଛି । ପୁଲିସ୍ର ଆକ୍ସନ ଓ ରିଏକ୍ସନ୍ ଖୋଜିବାରେ ସୀମିତ ରହିଛି । ପୁଲିସର ଅପାରଗତା ଯୋଗୁଁ ଅପରାଧୀମାନେ ଆଉ କାହାକୁ ଖାତିର କରୁ ନ ଥିବା ଦେଖିବାକୁ ମିଳୁଛି । ଦିନକୁଦିନ ଏହି ଅଞ୍ଚଳରେ ବୃଦ୍ଧି ପାଇବାରେ ଲାଗିଛି ଅସାମାଜିକ ବ୍ୟକ୍ତିଙ୍କ ପ୍ରାଦୁର୍ଭାବ ।
ସୂଚନା ଅନୁଯାୟୀ ବୁଧବାର ରାତିରେ ହଞ୍ଜିିିଳିକାଟୁ ପୌରପରିଷଦ ଅନ୍ତର୍ଗତ ୱାର୍ଡ ନଂ-୫ ପାଟଣା ସାହିରେ ଜଣେ ଯୁବକ ନିଶାରେ ମାତାଲ ଅବସ୍ଥାରେ ଖଣ୍ଡା ବୁଲାଇ ରୋଡରେ ଯିଏ ଯାଉଥିଲା ତାଙ୍କୁ ଗାଳି ଗୁଲଜ କରିବା ସହ ଆତଙ୍କ ଖେଳାଉଥିବା ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏପରି ଖବର ପାଇ ହିିଞ୍ଜିଳି ପୁଲିସ୍ ଘଟଣାସ୍ଥଳକୁ ଯାଇଥିଲା ହେଲେ ସେଠାରୁ ଅଭିଯୁକ୍ତ ଫେରାର ହୋଇଯାଇଥିଲା । ସାହିରେ ରାତି ଅଧରେ ଜୈନିକ ଦୋକାନୀ ଘରେ କରିଥିବା ଦୋକାନ କବାଟ ନ ଖୋଲିବାରୁ ଯୁବକ ଜଣକ ଖଣ୍ଡା ଧରି ସାହିରେ ଆତଙ୍କ ରାଜ ଖେଳାଇଥିବା ଆଲୋଚନା ହେଉଛି । ତେବେ ଏନେଇ ସହରରେ ଭୟର ବାତାବରଣ ସୃଷ୍ଟି ହୋଇଛି ବୋଲି ଲୋକମାନେ କହିଛନ୍ତି ।
