ପୁଲିସକୁ ଚକମା ଦେଇ କଏଦୀ ଫେରାର
Rasmita Behera
ଢେଙ୍କାନାଳ: ଢେଙ୍କାନାଳ ଜିଲ୍ଲା ମୁଖ୍ୟ ଚିକିସôାଳୟକୁ ଚିକିସôା ନିମନ୍ତେ ଯାଇଥିବା ଜଣେ କଏଦୀ ଆଜି ଚିକିସôାଳୟରୁ ଫେରାର ହୋଇଯାଇଛି । ପୁଲିସ ସଂପୃକ୍ତ ଅଭିଯୁକ୍ତକୁ ଚିକିସôାଳୟ ସମେତ ବିଭିନ୍ନ ସ୍ଥାନରେ ଖୋଜା ଖୋଜି କରିଥିଲେ ମଧ୍ୟ ତାର ପତ୍ତା ପାଇନଥିବା ଜଣାପଡ଼ିଛିି । ମିଳିଥିବା ସୂଚନା ଅନୁସାରେ, ଢେଙ୍କାନାଳ ଜିଲ୍ଲା କାରାଗରର ଅନ୍ତେବାସୀମାନଙ୍କ ମଧ୍ୟରୁ ୪ ଜଣ ବିଚାରାଧୀନ କଏଦୀଙ୍କୁ ଚିକିସôା ପାଇଁ ଜିଲ୍ଲା ମୁଖ୍ୟ ଚିକିସôାଳୟକୁ ପୁଲିସ ହେପାଜତରେ ନିଆଯାଇଥିଲା । ସେଠାରୁ ଜଣେ କଏଦୀ ପୁଲିସ କବଜାରୁ କୌଶଳ କ୍ରମେ ବାହାରି ଆସି ଚାଲିଚାଲି ରକ୍ତଭଣ୍ଡାର ପର୍ଯ୍ୟନ୍ତ ଆସିଥିଲା । ସେଠାରୁ ଏକ ଅଟୋରେ ପଳାଇଯାଇ ଚିକିସôାଳୟର ମୁଖ୍ୟ ଫାଟକ ଠାରୁ ଦୌଡି ପଳାଇଲେ । ପୁଲିସ କର୍ମଚାରୀ ତା’ର ପିଛା କରି ଖୋଜାଖୋଜି କରିଥିଲେ ମଧ୍ୟ ତା’ର ସନ୍ଧାନ ପାଇନଥିଲେ । ଚମ୍ପଟ ମାରିଥିବା ଅଭିଯୁକ୍ତଙ୍କ ଘର ସଦର ଥାନା କାଇମାଟି ନିକଟ କୁକୁଡାଝର ଅଂଚଳରେ । ସେ ଗଞ୍ଜେଇ ଚାଲାଣ ମାମଲାରେ ଗିରଫ ହୋଇ ବିଚାରଧୀନ କଏଦୀ ଭାବେ ଜେଲରେ ରହିଥିଲେ ।
