ପୁସ୍ତକମେଳା ପାଇଁ ପ୍ରସ୍ତୁତି ବୈଠକ
Rasmita Behera
3791
ତାଳଚେର : ଆଗାମୀ ୨୨ତମ ତାଳଚେର ପୁସ୍ତକ ମେଳା ପାଇଁ ତାଳଚେର ସମ୍ମିଳନୀ କକ୍ଷରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଏଥିରେ ପୁସ୍ତକମେଳା କମିଟିର ନୂତନ ସଭାପତି ତଥା ତାଳଚେର ଉପଜିଲ୍ଲାପାଳ ସମୀର ଜେନା ସଭାପତିତ୍ୱ କରି ଆଗାମୀ ପୁସ୍ତକମେଳାକୁ କିପରି ଅଧିକ ଆକର୍ଷଣୀୟ କରାଯାଇ ପାରିବ ସେ ନେଇ ନିଜର ମତାମତ ପ୍ରଦାନ କରିଥିଲେ । ୨୨ତମ ପୁସ୍ତକ ମେଳା ପ୍ରତ୍ୟେକ ବର୍ଷ ପରି ଚଳିତ ବର୍ଷ ମଧ୍ୟରେ ଜାନୁଆରୀ ୨୩ ତାରିଖ ଠାରୁ ଆରମ୍ଭ ହୋଇ ତା ୩୦ ପର୍ଯ୍ୟନ୍ତ ଚାଲିବାକୁ ଥିବାବେଳେ ଏଥର ସ୍ଥାନୀୟ ଦେଉଳବେଡା ଦୁର୍ଗାମଣ୍ଡପ ସମ୍ମୁଖରେ ହେବ ବୋଲି ନିଷ୍ପତ୍ତି ନିଆଯାଇଛି । ଉପସଭାପତି ତାଳଚେର ଆରକ୍ଷୀ ଅଧିକ୍ଷକ, ରଶ୍ମିରଞ୍ଜନ ମିଶ୍ର ସୂଚନା ଦେଇଥିବା ବେଳେ ଯୁଗ୍ମସମ୍ପାଦକ ବିରଜା ଶଙ୍କର ମିଶ୍ର ବିଗତ ଦିନରେ ସଫଳ ଭାବେ ହୋଇଥିବା ମେଳା ସୂଚନା ଦେବା ସହ ୨୦୨୪ ବର୍ଷର ଆୟବ୍ୟୟ ହିସାବ ପ୍ରଦାନ କରିଥିଲେ ।
