ପ୍ରଚଣ୍ଡ ଗ୍ରୀଷ୍ମ ପ୍ରବାହରେ ଭକ୍ତ କଲବଲ : ମନ୍ଦିର ସମ୍ମୁଖରେ ଅସ୍ଥାୟୀ ଛାମୁଡିଆ ପାଇଁ ଦାବି
Rasmita Behera
କେନ୍ଦ୍ରାପଡା: କେନ୍ଦ୍ରାପଡ଼ାର ଆରାଧ୍ୟ ପ୍ରଭୁ ସିଦ୍ଧ ବଳଦେବ ଜୀଉ ମନ୍ଦିର ସମ୍ମୁଖରେ ଅସ୍ଥାୟୀ ଛାମୁଡିଆ ତିଆରି କରିବା ପାଇଁ ସର୍ବ ସାଧାରଣରେ ଦାବି ହେଉଛି । ମହାପ୍ରଭୁଙ୍କୁ ଦର୍ଶନ କରିବା ପାଇଁ ଦୈନିକ ସ୍ଥାନୀୟ ବାସିନ୍ଦାଙ୍କ ସମେତ ଆଖପାଖ ଅଂଚଳର ଏବଂ ବାହାରୁ ଶହ ଶହ ଭକ୍ତ ଆସିଥାନ୍ତି । ପ୍ରବଳ ଖରାରେ ମନ୍ଦିର ପରିସର ଓ ବାହାର ଅସହ୍ୟ ଗରମ ଓ ତାତି ସହିତ ମନ୍ଦିର ବେଢାରେ ଥିବା ଚଟାଣ ପଥର ପ୍ରବଳ ତାତି ଯାଉଥିବାରୁ ଭକ୍ତମାନେ ମନ୍ଦିରକୁ ଯିବା ପାଇଁ ଅସହ୍ୟ ଯନ୍ତ୍ରଣା ଅନୁଭବ କରୁଛନ୍ତି । ବାଟ ଦେଉଳ ଠାରୁ ଜଗମୋହନ ପର୍ଯ୍ୟନ୍ତ ଓ ମନ୍ଦିର ଚତୁଃପାଶ୍ୱର୍ରେ ବେଢା ପରିକ୍ରମା ପାଇଁ ସ୍ୱତନ୍ତ୍ର ଭାବେ ଗାଲିଚା ବିଛାଇବା କିମ୍ବା ତାପ ନିରୋଧକ ରାସୟନିକ ଲେପ ପ୍ରୟୋଗ କରିବା ପାଇଁ ସାଧାରଣରେ ଦାବି ହେଉଛି । ଏହାସହ ମନ୍ଦିର ସମ୍ମୁଖରେ ଯାନବାହନ ରଖିବା କିମ୍ବା ଅପେକ୍ଷା କରିବା ପାଇଁ କୈାଣସି ସ୍ଥାନ ନ ଥିବାରୁ ମନ୍ଦିର ସମ୍ମୁଖରେ ଅସ୍ଥାୟୀ ଛାମୁଡିଆ ତିଆରି କରିବା ପାଇଁ ଦାବି କରାଯାଉଛି । ଫଳରେ ଭକ୍ତ ଓ ଶ୍ରଦ୍ଧାଳୁମାନେ ସହଜରେ ଦର୍ଶନ କରିପାରିବେ ।
