ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର ଖୋଲିବାକୁ ଦାବି
Rasmita Behera
ାା ପ୍ରଭାନୁ୍ୟଜ ।ା ଆନନ୍ଦପୁର: ଆନନ୍ଦପୁର ବ୍ଲକ ଅନ୍ତର୍ଗତ କୋଡ଼ପୋଡ଼ା ପଞ୍ଚାୟତ ମୁଖ୍ୟାଳୟରେ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର ଖୋଲିବାକୁ ପଞ୍ଚାୟତ ବାସୀଙ୍କ ପକ୍ଷରୁ ଦାବି କରାଯାଇଛି । ପଞ୍ଚାୟତ ମୁଖ୍ୟାଳୟରେ ପଞ୍ଚାୟତର ବରିଷ୍ଠ ଏବଂ ସଚେତନ ନାଗରିକଙ୍କ ପକ୍ଷରୁ ବିକ୍ଷୋଭ ପଦର୍ଶନ କରାଯାଇଥିଲା । ଦାବି ଅନୁଯାୟୀ ପଞ୍ଚାୟତର ଲୋକ ସଂଖ୍ୟା ୩୦ହଜାର ପାଖାପାଖି ହୋଇଥିବା ବେଳେ ଏହା ଆନନ୍ଦପୁର ମୁଖ୍ୟ ଚିକିତ୍ସାଳୟ ଠାରୁ ୨୦ କି. ମି ଦୂରରେ ଅବସ୍ଥିତ । ଏନେଇ ଅତୀତରେ ବାରମ୍ବାର ଦାବି ଉପସ୍ଥାପନା କରାଯାଇଥିଲେ ମଧ୍ୟ ପୂର୍ବ ସରକାର ଏହାକୁ ପ୍ରାଧାନ୍ୟ ଦେଇ ନଥିଲେ । ତେବେ ବର୍ତ୍ତମାନର ନୁଆ ସରକାର ଏହାକୁ ବିଚାରକୁ ନେଇ କୋଡ଼ପୋଡ଼ା ପଞ୍ଚାୟତରେ ଏକ ପ୍ରଥମିକ ସ୍ୱାସ୍ଥ୍ୟ କେନ୍ଦ୍ର ଖୋଲିବାକୁ ପଞ୍ଚାୟତ ବାସୀ ଦାବି କରିଛନ୍ତି । ବିକ୍ଷୋଭ ସମୟରେ ଗଣେଶ୍ୱର ସା, ରମେଶ ଚନ୍ଦ୍ର ବେଜ, ଯୁବରାଜ ଶର୍ମା, ବାମନ ଦାସ, ପ୍ରମୋଦ ବାରିକ, କବିନ୍ଦ୍ର ରଣା, ଆଲୋକ ବାରିକ, ସଞ୍ଜୟ ସାହୁ, ଆଦିତ୍ୟ ବେହେରା, ବଳରାମ ଓଝା, ଶୁକଦେବ ଓଝାଙ୍କ ସମେତ ଶତାଧିକ ଅଞ୍ଚଳବାସୀ ଉପସ୍ଥିତ ଥିଲେ ।
