ଡକାୟତି ଯୋଜନା ପଣ୍ଡ ତିନି ଗିରଫ
Rasmita Behera
ବ୍ରହ୍ମପୁର,: ଶୁକ୍ରବାର ସକାଳ ପ୍ରାୟ ୫ଟା ସମୟରେ କୌଣସି ବିଶେଷ ସୂତ୍ରରୁ ଖବର ପାଇଁ ଗୋଳନ୍ଥରା ପୁଲିସ୍ ହଳିଆପଦର ବସଷ୍ଟାଣ୍ଡ ନିକଟରେ ଡକାୟତି ଯୋଜନା କରୁଥିବା ୩ ଦୁର୍ଦାନ୍ତ ଅପରାଧୀଙ୍କୁ ଗିରଫ କରି କୋର୍ଟ ·ଲାଣ କରିଛି । ସୂଚନା ଥାଉକି ବର୍ତ୍ତମାନ କନିସି ନକଟସ୍ତ ହଳଦିଆପଦର ବସଷ୍ଟାଣ୍ଡ ବର୍ତ୍ତମାନ ଅସାମାଜିକ ଯୁବକଙ୍କ ଚରାଭୂଇଁ ପାଲଟିଛି । ଏଠାରେ ରାତି ସମୟରେ ବିଭିନ୍ନ ଯୋଜନା ଅପରାଧୀମାନେ କରୁଥିବା ନଜିର ବି ରହିଛି । ତେଣୁ ନିକଟସ୍ଥ ଗୋଳନ୍ଥରା ପୁଲିସ୍ର ସର୍ବଦା ନଜର ବି ରୁହେ ତେଣୁ ଖବର ପାଇବା ସଙ୍ଗେ ସଙ୍ଗେ ପୋଲିସ ଚଢ଼ାଉ କରି ୩ ଦର୍ଦ୍ଦାନ୍ତ ଅପରାଧୀ କାବୁ କରିଛି । ଗିରଫ ଅଭିଯୁକ୍ତମାନେ ହେଲେ ଗୋଶାଣୀନୂଆ ଗାଁର ଶିବରାମ ପାଳ(୩୬), ଲାଠି ଗ୍ରାମର ଶ୍ୟାମସୁନ୍ଦର ଗୌଡ଼ ଓରଫ ଚେରୁ ଓ ପିଣ୍ଟୁ ଓରଫ ପଣ୍ଡା ଗୌଡ଼ । ଗିରଫ ଅଭିଯୁକ୍ତ ଶିବରାମ ପାଳଙ୍କ ନିକଟରୁ ଗୋଟିଏ ବନ୍ଧୁକ, ଦୁଇଟି ମୋବାଇଲ, ଚେରୁଙ୍କ ନିକଟରୁ ଗୋଟିଏ ଖଣ୍ଡା ଓ ଗୋଟିଏ ମୋବାଇଲ ଓ ପିଣ୍ଟୁଙ୍କ ନିକଟରୁ ଗୋଟିଏ ଖଣ୍ଡା ଓ ଗୋଟିଏ ମୋବାଇଲ ଜବତ କରିଛି ପୁଲିସ । ଏହାସହ ଘଟଣା ସ୍ଥଳରୁ ଦୁଇଟି ଜୀବନ୍ତ ବୋମା, ମଦ ବୋତଲ ସମେତ ଅନ୍ୟାନ୍ୟ ସାମଗ୍ରୀ ଜବତ କରାଯାଇଥିବା ଗୋଳନ୍ଥରା ଥାନା ଅଧିକାରୀ ବିବେକାନନ୍ଦ ସ୍ୱାଇଁ ସୂଚନା ଦେଇଛନ୍ତି । ଗିରଫ ଅଭିଯୁକ୍ତମାନଙ୍କ ନାମରେ ବିଭିନ୍ନ ଥାନାରେ ଏକାଧିକ ମାମଲା ରହିଛି ବୋଲି ପୋଲିସ ସୂତ୍ରରୁ ପ୍ରକାଶ । ଗୋଳନ୍ଥରା ଥାନାରେ କେଶ ନୁମ୍ବର ୧୯୮/୨୬ ରେ ଏକ ମାମଲା ସହିତ ଅପରାଧୀମାନଙ୍କ ବିରୋଧରେ ୩୯୯ /୪୦୨ ଆଇପିସି ଧାରା ୪୫ରେ କୋର୍ଟ ·ଲାଣ କରାଯାଇଥିବା ସୂଚନା ମିଳିଛି ।
