ବନ୍ଧୁକ ସହ ୪ ଶିକାରୀ ଗିରଫ
Rasmita Behera
କପ୍ତିପଦା : ଜଙ୍ଗଲରେ ଶିକାରୀମାନଙ୍କୁ ଧରିବାକୁ ଯାଇଥିଲା କପ୍ତିପଦା ବନବିଭାଗ । ମାତ୍ର ବନବିଭାଗ ଟିମ୍କୁ ଲକ୍ଷ୍ୟ କରି ଗୁଳି ମାରିଲେ ଶିକାରୀ । ମାତ୍ର ତାହା ଲକ୍ଷ୍ୟଭ୍ରଷ୍ଟ ହେଲା । ଏହାର ପ୍ରତି ଜବାବରେ ବନବିଭାବ ଓ ଏସଟିପିଏଫ୍ ମଧ୍ୟ ଫାଙ୍କା ଗୁଳି ଚାଳନା କରିଲେ । ଏଭଳି ଘଟଣା ଘଟିଛି କପ୍ତିପଦା ବନାଞ୍ଚଳ ଅଧିନ ପୋଡାଡିହା ରେଞ୍ଜ ଅନ୍ତର୍ଗତ ମନଭଙ୍ଗା ବିଟ୍ ଅଞ୍ଚଳରେ । ଗତକାଲି ରାତିରେ ବନବିଭାଗ ଓ ଏସଟିପିଏଫ୍ ମିଳିତ ଚଢଉ କରି ୬ଜଣ ଶିକାରୀ ଜଙ୍ଗଲ ଭିତରେ ରୋଷେଇ କରୁଥିବାର ଦେଖିବାକୁ ପାଇଥିଲେ । ବନବିଭାଗ ଓ ଏସଟିପିଏଫ୍ ଟିମକୁ ଦେଖି ଶିକାରୀମାନେ ୨ରାଉଣ୍ଡ ଗୁଳି ଚଳାଇ ଖସିଯିବାକୁ ଚେଷ୍ଟା କରିଥିଲେ । ଏହାର ଜବାବରେ ଏସଟିପିଏଫ ଟିମ୍ ମଧ୍ୟ ଫାଙ୍କା ଗୁଳି ଚଳାଇଥିଲେ । ତେବେ ଘଟଣାସ୍ଥଳରେ ଜଣେ ଶିକାରୀକୁ ଗିରଫ କରାଯାଇଥିବାବେଳେ ଗୋଟିଏ ଦେଶୀ ବନ୍ଧୁକ ଜବତ୍ କରିଥିଲେ । ସେଠାରୁ ଅନ୍ୟ ୫ଜଣ ଶିକାରୀ ଖସିଯାଇଥିଲେ । ତେବେ ଗିରଫ ଶିକାରୀକୁ ପଚରାଉଚୁରା କରିବାପରେ କଟୁରିଆ ଅଶ୍ୱକୁଟୀ ଅଞ୍ଚଳରୁ ଅନ୍ୟ ୩ଜଣ ଶିକାରୀକୁ ଗିରଫ ଓ ଜଙ୍ଗଲରେ ଲୁଚାଇ ରଖିଥିବା ୩ ବନ୍ଧୁକକୁ ଜବତ୍ କରିଥିଲେ । ଅନ୍ୟ ୨ଜଣ ଶିକାରୀ ଫେରାର ହୋଇଯାଇଛନ୍ତି । ଗିରଫ ଶିକାରୀମାନେ ହେଲେ ଅଶ୍ୱକୁଟୀର ଗାନସା ସିଂ, ବରଜୁ ସିଂ, ଗୁରା ସିଂ ବାଙ୍କିରା, କାର୍ତ୍ତିକ ସିଂ ବାଙ୍କିରା ।
