ବାଇକ ଦୁର୍ଘଟଣାରେ ଜଣେ ମୃତ, ଜଣେ ଗୁରୁତ
Rasmita Behera
ବୈଶିଙ୍ଗା: ବୈଶିଙ୍ଗା ଥାନା ଅଧୀନ ୧୮ନଂ ଜାତୀୟ ରାଜପଥର ଗଡଦେଉଳିଆ ନିକଟରେ ଆଜି ଦିବା ୨ଘଟିକା ସମୟରେ ଏକ ବୁଲେଟ ମୋଟର ସାଇକେଲରେ ଦୁଇଜଣ ଦୃତ ଗତିରେ ଯାଇ ରାସ୍ତା ପାର୍ଶ୍ୱିରେ ଛିଡା ହୋଇଥିବା ଟ୍ରକ ପଛରେ ଧକ୍କା ଦେବା ଫଳରେ ଜଣେ ମୃତୁ୍ୟବରଣ କରିଥିବା ବେଳେ ଆଉ ଜଣେ ବାଲେଶ୍ୱରରେ ଚିକିସôାଧିନ ଥିବାର ଜଣାଯାଇଛି । ଘଟଣାରୁ ପ୍ରକାଶ ବାଲେଶ୍ୱର ଅଜିମାବାଦ ସ୍ଥିତ ସାଇସାଧନା ଶିକ୍ଷାକେନ୍ଦ୍ରର ନିଦେ୍ର୍ଦଶକ ଶିବଶଙ୍କର ଦାସ (୨୮) ଓ ବିଶ୍ୱଜିତ ସେଠୀ ଏକ ବୁଲେଟ ନଂ (ଓଡି ୦୧ ଏୟୁ-୨୮୪୨) ଯୋଗେ ବାରିପଦା ରୁ ବାଲେଶ୍ୱର ଫେରୁଥିବା ବେଳେ ଗଡଦେଉଳିଆ ଠାରେ ରାସ୍ତା ପାର୍ଶ୍ୱରେ ଛିଡା ହୋଇଥିବା ଏକ ମାଲ ବାହୀ ଟ୍ରକ୍ ପଛରେ ଧକ୍କା ଦେଇଥିଲା । ଘଟଣାସ୍ଥଳରେ ଚାଳକ ଶିବଶଙ୍କରଙ୍କ ମୃତୁ୍ୟ ହୋଇଥିବା ବେଳେ ବିଶ୍ୱଜିତ ଗୁରୁତର ହୋଇଥିଲେ । ସଙ୍ଗେ ସଙ୍ଗେ ବୈଶିଙ୍ଗା ଥାନାକୁ ଖବର ଦେବାପରେ ଥାନାଧିକାରୀ ତପନ ପ୍ରଧାନ ଓ ଅନ୍ୟମାନେ ପହଞ୍ଚି ଦୁଇଜଣଙ୍କୁ ବୈଶିଙ୍ଗା ଡାକ୍ତରଖାନା ପହଞ୍ଚାଇବା ପରେ ଡାକ୍ତର ପ୍ରଦୀପ କର ଶିବଶଙ୍କରଙ୍କୁ ମୃତ ବୋଲି ଘୋଷଣା କରିଥିଲେ । ଖବର ନେବାରେ ଜଣାଯାଇଥିଲା କି ଶିବଶଙ୍କରଙ୍କ ଘର ବାଲିଆପାଳ ଭାନୁପୁର ଗ୍ରାମର ବୋଲି ଜଣାଯାଇଛି । ଶିବଶଙ୍କରଙ୍କ ବାପା ଜଣେ ପ୍ରତିଷ୍ଠିତ ବ୍ୟକ୍ତି ଭାବେ ଜଣାଶୁଣା । ମୃତ ଶିବଶଙ୍କରଙ୍କ ମର ଶରୀରକୁ ବ୍ୟବଚ୍ଛେଦ ପାଇଁ ବାରିପଦା ପଠାଯାଇଥିବା ଜଣାଯାଇଛି ।
