ବାର୍ଷିକ କ୍ରୀଡାଉତ୍ସବ ଉଦ୍ୟାପିତ
Rasmita Behera
ବେତନଟୀ: ବେତନଟୀ ଦେବ ବିହାର ସ୍ଥିତ ସରସ୍ୱତୀ ଶିଶୁ ବିଦ୍ୟା ମନ୍ଦିରର ୨୩ ତମ ବାର୍ଷିକ କ୍ରୀଡାଉସôବ ସ୍କୁଲ ପରିସରରେ ଉଦ୍ୟାପିତ ହୋଇଯାଇଛି । ଏହି ଉସôବରେ ସ୍କୁଲ ପରିଚାଳନା କମିଟି ସଭାପତି ସତୀଶ ଚନ୍ଦ୍ର ସାହୁ ଅଧ୍ୟକ୍ଷତା କରିଥିବା ବେଳେ ସମ୍ପାଦକ ପ୍ରକାଶ ବେହେରା ମୁଖ୍ୟ ବକ୍ତା, ଶିକ୍ଷାବିତ୍ ହରିଶ୍ଚନ୍ଦ୍ର ନନ୍ଦ ଗୋସ୍ୱାମୀ ମୁଖ୍ୟଅତିଥି ଭାବେ ଯୋଗ ଦେଇଥିଲେ । ପ୍ରଧାନ ଆଚାର୍ଯ୍ୟ ଲକ୍ଷ୍ମୀଧର ବାରିକ ଏହି ଉସôବର ଆଭିମୁଖ୍ୟ ସମ୍ପର୍କରେ ସୂଚନା ପ୍ରଦାନ କରିବା ସହିତ ଅଭିଭାବକ ଓ ଅତିଥିଙ୍କୁ ସ୍ୱାଗତ ଜ୍ଞାପନ କରି ପରିଚୟ ପ୍ରଦାନ କରିଥିଲେ । ପରିଚାଳନା କମିଟି ବରିଷ୍ଠ ସଦସ୍ୟା ରଞ୍ଜିତା କର ସମ୍ମାନିତଅତିଥି ଭାବେ ଯୋଗ ଦେଇଥିଲେ । ବିଦ୍ୟାଳୟର ଶାରୀରିକ ପ୍ରମୁଖ ଦୀନ ବନ୍ଧୁ ମହାନ୍ତ କ୍ରୀଡା ପତାକା ଅବତରଣରେ ସହାୟତା ପ୍ରଦାନ କରିବା ସହିତ କୃତିତ୍ୱ ହାସଲ କରିଥିବା ଛାତ୍ରଛାତ୍ରୀଙ୍କୁ ମୁଖ୍ୟଅତିଥି ଏବଂ ଅନ୍ୟଅତିଥି ପୁରସ୍କାର ଓ ସାର୍ଟିଫିକେଟ ପ୍ରଦାନ କରିଥିଲେ । ଶିକ୍ଷା ଲାଭ କରିବା ସହିତ ଶାରୀରିକ ବ୍ୟାୟାମର ଆବଶ୍ୟକତା ଥିବା ହେତୁ ଛାତ୍ରଛାତ୍ରୀମାନେ ଘରେ ବସି ମୋବାଇଲ ବା ଟିଭିରେ କାର୍ଟୁନ ନ ଦେଖି ଖେଳ କୁଦରେ ଅଂଶ ଗ୍ରହଣ କଲେ ସୁସ୍ଥ ରହିବା ସହିତ ମନ ପ୍ରଫୁଲ୍ଲ ରହିବ । ଏଣୁ ପାଠ ପଢା ସହିତ କ୍ରୀଡାର ଯଥେଷ୍ଟ ଆବଶ୍ୟକତା ଥିବା କାରଣରୁ ଅଭିଭାବକମାନେ ଖେଳିବା ପାଇଁ ପ୍ରେରଣା ଦେବାର ଆବଶ୍ୟକତା ରହିଛି ବୋଲି ତାଙ୍କ ବକ୍ତବ୍ୟରେ କହିଥିଲେ ।
