ବିଦୁ୍ୟତ୍ ଭିତ୍ତିଭୂମି ସୁଦୃଢିକରଣକୁ ଗୁରୁତ୍ୱ
Rasmita Behera
ଭୁବନେଶ୍ୱର : ଓଡିଶା ବୈଦୁ୍ୟତିକ ଯନ୍ତ୍ରୀ ସେବା ସଂଘର ୪୩ତମ ବାର୍ଷିକ ସାଧାରଣ ପରିଷଦ ବୈଠକ ଭୁବନେଶ୍ୱର ସ୍ଥିତ ଗୀତଗୋବିନ୍ଦ ସଦନରେ ଅନୁଷ୍ଠିତ ହୋଇଯାଇଛି । ଏଥିରେ ନବ ନିଯୁକ୍ତ ସହକାରୀ ନିର୍ବାହୀ ଯନ୍ତ୍ରୀଙ୍କୁ ସଂଘର ସଦସ୍ୟ ଭାବେ ସ୍ୱାଗତ କରାଗଲା । ପ୍ୟାରିମୋହନ ମିଶ୍ର, ସର୍ବୋଚ୍ଚ ଯନ୍ତ୍ରୀ ତଥା ମୁଖ୍ୟ ବିଦୁ୍ୟତ୍ ନୀରିକ୍ଷକ, ଓଡିଶା ମୁଖ୍ୟ ଅତିଥି ଭାବେ ଯୋଗ ଦେଇ ବିଦୁ୍ୟତ୍ ସୁରକ୍ଷା, ଶକ୍ତି ସଂରକ୍ଷଣ ଓ ରାଜ୍ୟରେ ବିଦୁ୍ୟତ୍ ଭିତ୍ତିଭୁମି ସୁଦୃଢିକରଣରେ ସଂଘର ଭୂମିକା ଉପରେ ଗୁରୁତ୍ୱ ଆରୋପ କରିଥିଲେ । ଯୁବ ଯନ୍ତ୍ରୀଙ୍କୁ ଜନସେବା ମନବୃତ୍ତିରେ କାର୍ଯ୍ୟ କରିବା ପାଇଁ ଉସôାହିତ କରିଥିଲେ । ସଂଘର ସଭାପତି, ସାଧାରଣ ସମ୍ପାଦକ ଓ କୋଷାଧ୍ୟକ୍ଷ ସଂଘର ଭୂମିକା, ଲକ୍ଷ୍ୟ ଓ ବିଗତ ବର୍ଷର କାର୍ଯ୍ୟ ସାରଣୀ ଏବଂ ଆର୍ଥିକ ସ୍ଥିତି ସଂଘକୁ ଅବଗତ କରାଇଲେ । ଏହି ବୈଠକରେ ସଂଘର ସଦସ୍ୟମାନେ ସମ୍ମୁଖୀନ କରୁଥିବା ବିଭିନ୍ନ ସମସ୍ୟା ଯଥା କାର୍ଯ୍ୟାଳୟ ଭିତ୍ତିଭୂମିର ଅଭାବ, ଓଡିଶା ଯନ୍ତ୍ରୀ ସେବା ପୁର୍ନଗଠନର ଆବଶ୍ୟକତା ଏବଂ ସଦସ୍ୟମାନଙ୍କ କଲ୍ୟାଣ ଉପରେ ଆଲୋଚନା କରିଥିଲେ । ଏହା ବ୍ୟତିତ ବିଦୁ୍ୟତ୍ ଦୁର୍ଘଟଣା ହ୍ରାସ ନିମନ୍ତେ ସୁରକ୍ଷା ଭିତ୍ତିକ ପ୍ରଶିକ୍ଷଣ ବୃଦ୍ଧି କରିବା ଏବଂ ଉପଭୋକ୍ତାମାନଙ୍କୁ ଶକ୍ତି ସଂରକ୍ଷଣ ଏବଂ ବିଦୁ୍ୟତ୍ ସୁରକ୍ଷା ଶିକ୍ଷା ଦେବା ଉପରେ ଚର୍ଚ୍ଚା ହୋଇଥିଲା । ନବ ନିଯୁକ୍ତ ସଭାପତି ସୂର୍ଯ୍ୟମଣି ସାହୁ, ଉପସଭାପତି ହୃଷିକେଶ ମେହେର, ସାଧାରଣ ସମ୍ପାଦକ ରମାକାନ୍ତ ନାୟକ ଓ ଅନ୍ୟ କର୍ମ କର୍ତ୍ତାଙ୍କୁ ସଦସ୍ୟମାନେ ସ୍ୱାଗତ ଜଣାଇଲେ । ସାଧାରଣ ପରିଷଦ ବୈଠକ ପାଇଁ ସ୍ୱତନ୍ତ୍ର ଛୁଟି ମଞ୍ଜୁରୀ ହୋଇଥିବାରୁ ସଂଘ ପକ୍ଷରୁ ଶକ୍ତି ଓ ଗୃହ ବିଭାଗକୁ କୃତଜ୍ଞତା ଜ୍ଞାପନ କରାଯାଇଥିଲା ।
