ପ୍ରଶାନ୍ତ ଜଗଦ୍ଦେବ ନେଲେ ବାବା ଆଖଣ୍ଡଳମଣିଙ୍କ ଆଶୀର୍ବାଦ
Rasmita Behera
BJP ନେତା ପ୍ରଶାନ୍ତ ଜଗଦ୍ଦେବ ଭଦ୍ରକର ଆରାଧ୍ୟ ବାବା ଆଖଣ୍ଡଳମଣିଙ୍କ ଶରଣ ପଶିଲେ । ସାଥୀରେ ତାଙ୍କ ଧର୍ମପତ୍ନୀ ଥିଲେ । ଉଭୟ ପତି-ପତ୍ନୀ ବାବା ଆଖଣ୍ଡଳମଣିଙ୍କ ଦର୍ଶନ ଓ ଆଶୀର୍ବାଦ ନେଲେ।
ଚିଲିକା ବିଧାୟକ ହେଉଛନ୍ତି ପ୍ରଶାନ୍ତ ଜଗଦ୍ଦେବ। ଆଜି ସକାଳ ପ୍ରାୟ ୭ଟାରେ ଶ୍ରୀ ଜଗଦ୍ଦେବ ଓ ତାଙ୍କ ପତ୍ନୀ ବାବାଙ୍କ ପୀଠ ଆରଡିରେ ପହଞ୍ଚିଥିଲେ। ସେବକମାନେ ତାଙ୍କୁ ସ୍ୱାଗତ କରିଥିଲେ। ପରେ ସେ ମନ୍ଦିର ଭିତରକୁ ଯାଇ ପୂଜାର୍ଚ୍ଚନା କରିଥିଲେ। ବାବାଙ୍କ ଆଶୀର୍ବାଦ ନେଇଥିଲେ। ଦୀର୍ଘ ସମୟ ପରେ ଅର୍ଥାତ ସକାଳ ପ୍ରାୟ ୯ଟା ବେଳେ ମନ୍ଦିରରୁ ବାହାରିଥିଲେ ସ୍ୱାମୀ ଓ ସ୍ତ୍ରୀ। ତା’ପରେ ଭୁବନେଶ୍ୱର ଫେରି ଆସିଥିବା ଜଣାପଡ଼ିଛି।
ବାବାଙ୍କ ମନ୍ଦିରରୁ ବାହାରିବା ପରେ ସେ କହିଥିଲେ ଓଡ଼ିଶାରେ ରାଜନୈତିକ ଅବସ୍ଥା ଯେଉଁ ସ୍ତରକୁ ଯାଇଛି, ତା’ର ପରିବର୍ତ୍ତନ ଅବସମ୍ଭାବୀ ହୋଇପଡ଼ିଛି। ସେଥିପାଇଁ ପ୍ରଭୁଙ୍କ ପାଖରେ ପ୍ରାର୍ଥନା କରିଛି। ଆଉ ପ୍ରଭୁଙ୍କୁ ପ୍ରାର୍ଥନା କରି ମାଗିଛି, ହେ ପ୍ରଭୁ ଏ ଓଡ଼ିଶାର ସ୍ୱାଭିମାନ, ସମ୍ମାନ, ଅସ୍ମିତାକୁ ଆପଣ ହିଁ ବଞ୍ଚାବେ। ଆଉ ଗୋଟିଏ ପରିବର୍ତ୍ତନର ଧାରା ଓଡ଼ିଶାବାସୀଙ୍କୁ ଦେବେ ବୋଲି ପ୍ରଭୁଙ୍କୁ ପ୍ରାର୍ଥନା କରିଛି ବୋଲି ବିଧାୟକ କହିଥିଲେ।
।
