ବିଶ୍ୱ କର୍ଦ୍ଦମ ଦିବସ
Rasmita Behera
ଭଦ୍ରକ: ରାଧାକାନ୍ତ ତ୍ରିପାଠୀ ସ୍ମୃତି କମିଟି ଆନୁକୂଲ୍ୟରେ ସାହାପୁର ସାଳନ୍ଦୀ ନଦୀ କୂଳରେ ବିଶ୍ୱ କର୍ଦ୍ଦମ ଦିବସ ପାଳିତ ହୋଇଯାଇଛି । ପଞ୍ଚଭୂତରେ ଗଢ଼ା ଶରୀର ନିମନ୍ତେ ମାଟି, ପାଣି, ପବନର ବେଶ ଗୁରୁତ୍ୱ ରହିଛି । ଜୀବ ଜଗତର ଦୈନିକ ଆବଶ୍ୟକତାର ଏକ ମୁଖ୍ୟ ଅଂଶ ମାଟି । ଏହାର ଗୁରୁତ୍ୱ ଉପଲବ୍ଧି କରି ସର୍ବୋଚ୍ଚ ନ୍ୟାୟାଳୟର ଅଧିବକ୍ତା,ପରିବେଶବିତ୍ ସ୍ୱର୍ଗତ ରାଧାକାନ୍ତ ତ୍ରିପାଠୀ ଆଜିର ଦିନ ଜୁନ୍ ୧୬ ତାରିଖକୁ ବିଶ୍ୱ କର୍ଦ୍ଦମ ଦିବସ ଭାବରେ ପାଳନ କରି ଆସୁଥିଲେ । ଚଳିତ ବର୍ଷ ତାଙ୍କ ଅବର୍ତ୍ତମାନରେ ଭଦ୍ରକର ପ୍ରକୃତିପ୍ରେମୀମାନେ ଏହାକୁ ସାହାପୁର ହନୁମାନ ମନ୍ଦିର ପାଖ ସାଳନ୍ଦୀ ନଦୀ କୂଳରେ ପାଳନ କରିଛନ୍ତି । ଏହି ଅବସରରେ ସମାଜସେବୀ ଜଗନ୍ନାଥ କରଙ୍କ ଆବାହତ୍ୱରେ ନିରଞ୍ଜନ ସେଠୀ, ମନୋଜ ପଣ୍ଡା, ସରୋଜ ପାଣିଗ୍ରାହୀ, ରବି ସିଂ, କାଳନ୍ଦୀ ମଲିକ୍, ସତ୍ୟରଞ୍ଜନ ସେଠୀ, ସାଇରଞ୍ଜନ ସେଠୀ, ଅଚୁ୍ୟତାନନ୍ଦ କର, ଦେବବ୍ରତ କର, ଉପାସନା ପାଣିଗ୍ରହୀ, ପ୍ରକାଶ କୁମାର, ମାନସ, ମଳୟ, ସୁନନ୍ଦ ଉପସ୍ଥିତ ରହି ଆଜି ଦିବସର ତାତ୍ପର୍ଯ୍ୟ ସମ୍ପର୍କରେ ଆଲୋକପାତ କରିବା ସହ ମାଟିର ସୁରକ୍ଷା ପାଇଁ ସଂକଳ୍ପ ନେଇଥିଲେ ।
