ଭିଡିଓ କନଫରେନ୍ସ ରୁମ ଉଦଘାଟିତ
Rasmita Behera
ବ୍ରହ୍ମପୁର: ପୁଲିସ କର୍ମଚାରୀଙ୍କ ସରକାରୀ ସାକ୍ଷ ଗ୍ରହଣ ହେଲା ସୁବିଧା । ବ୍ରହ୍ମପୁର ଏସପି କାର୍ଯ୍ୟାଳୟ ପରିସରରେ ଉଦଘାଟିତ ହେଲା ଭିଡିଓ କନଫରେନ୍ସ ରୁମ । ଏଥିରେ ମୁଖ୍ୟଅତିଥି ଭାବେ ଦକ୍ଷିଣାଞ୍ଚଳ ଡ଼ିଆଇଜି ଡ଼ଃ. ସାର୍ଥକ ଷଡଙ୍ଗୀ ଯୋଗଦେଇ କାର୍ଯ୍ୟାଳୟ ପରିସରରେ ଭିସି କୋଠରୀର ଶୁଭ ଉଦଘାଟନ କରିଥିଲେ । ମାନ୍ୟବର ହାଇକୋର୍ଟ ଓଡିଶାର ନିଦେ୍ର୍ଦଶକୁ ଆଧାର କରି ଏହି କୋର୍ଟ ଭିଡିଓ କନଫରେନ୍ସ ସିଷ୍ଟମ ଉଦ୍ଘାଟିତ ହୋଇଛି । ପୁଲିସ୍ କର୍ମଚାରୀ, ଅବସରପ୍ରାପ୍ତ ପୋଲିସ୍ ଅଧିକାରୀ, ଡାକ୍ତର, ସାଇଣ୍ଟିଫିକ ଅଧିକାରୀଙ୍କ ପରି ସରକାରୀ ସାକ୍ଷୀ ଏହି କୋଠରୀରେ ବସି ପ୍ରମାଣ ଦେଇପାରିବେ । ଅନ୍ୟାନ୍ୟ ଜିଲ୍ଲାରେ ବିଚାରାଧୀନ ଥିବା କୋର୍ଟ ମାମଲାରେ ପ୍ରମାଣ ଦେବା ପାଇଁ ସେମାନଙ୍କର ଅନ୍ୟ କର୍ତ୍ତବ୍ୟ କାର୍ଯ୍ୟ ହେତୁ ଅଧିକାରୀମାନେ ଅନେକ ସମୟରେ ଅସୁବିଧାର ସମ୍ମୁଖୀନ ହେଉଥିଲେ । ଏହା ପରବର୍ତ୍ତୀ ସମୟରେ କୋର୍ଟ ପ୍ରକ୍ରିୟା ଏବଂ ଅପରାଧିକ ମାମଲା ଉପରେ ପ୍ରଭାବ ପକାଇଥାଏ । ଏହି ଭିସି ସିଷ୍ଟମ ସରକାରୀ ସାକ୍ଷୀଙ୍କ ସଠିକ ସମୟରେ ପ୍ରମାଣ ଜମା କରିବା ତଥା ସରକାରୀ କର୍ମଚାରୀଙ୍କ ସମୟ ଏବଂ ଶକ୍ତି ସଞ୍ଚୟ କରିବା ସହ ମାନ୍ୟବର ଅଦାଲତର ମୂଲ୍ୟବାନ ସମୟକୁ ସୁନିଶ୍ଚିତ କରି ଅପରାଧିକ ନ୍ୟାୟ ବ୍ୟବସ୍ଥାକୁ ମଜବୁତ କରିବ ବୋଲି ଜଣାପଡିଛି । ଏହି ଅବସରରେ ବ୍ରହ୍ମପୁର ଏସପି ଡା. ସର୍ବଣା ବିବେକ ଏମଙ୍କ ସମେତ ବହୁ ପୋଲିସ ଅଧିକାରୀ ଉପସ୍ଥିତ ଥିଲେ ।
