ମହିଳାଙ୍କ ଠାରୁ ଭ୍ୟାନିଟ୍ ଲୁଟ୍; ଲୁଟେରା ଗିରଫ
Jitendra Sahu
ଭୁବନେଶ୍ୱର, ୧୪ା୧୨ : ବାଇକରେ ସ୍ୱାମୀଙ୍କ ସହ ଯିବା ସମୟରେ ପଛରୁ ପଲସର ବାଇକରେ ଆସି ଝାମ୍ପିନେଲେ ମହିଳାଙ୍କ ଭ୍ୟାନିଟ୍ ବ୍ୟାଗ୍ । ଏନେଇ ମହିଳା ଓ ତାଙ୍କ ସ୍ୱାମୀ ମୈତ୍ରୀବିହାର ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ ପୁଲିସ ମାମଲା ରୁଜୁକରି ତଦନ୍ତ ଚଳାଇ ଆଜି ଲୁଟେରାକୁ ଗିରଫ କରିବା ସହ ତାଠାରୁ ଚୋରି କରିଥିବା ଭ୍ୟାନିଟ୍ ବ୍ୟାଗ, ୪ଟି ମୋବାଇଲ ଓ ଏକ ପଲସର ବାଇକ ଜବତ କରିଛି । ଗିରଫ ଲୁଟେରା ହେଲା, ଶ୍ରୀବିହାର ପଟିଆ ଅଞ୍ଚଳର ଚିନ୍ମୟ ପ୍ରଧାନ ।
ସୂଚନା ଯୋଗ୍ୟଯେ, ଶୁକ୍ରବାର ଦିନ ମଧ୍ୟାହ୍ନ ସମୟରେ ଅଭିଯୋଗକାରିଣୀ ତାଙ୍କ ସ୍ୱାମୀଙ୍କ ସହିତ ବାଇକରେ କେୟାର ହସ୍ପିଟାଲକୁ ଯାଉଥିଲେ । ଏହି ସମୟରେ ଲୁଟେରା ଜଣଙ୍କ ଏକ ପଲସର ବାଇକରେ ପଛପଟୁ ଆସି ମହିଳାଙ୍କ ଭ୍ୟାନିଟ୍ ବ୍ୟାଗକୁ ଜୋରଜବରଜସ୍ତି ଛଡାଇ ନେଇ ଫେରାର ହୋଇଯାଇଥିଲା । ଏହି ସମୟରେ ମହିଳା ଓ ତାଙ୍କ ସ୍ୱାମୀ ତଳେ ପଡ଼ିଯାଇ ଗୁରୁତର ଆହତ ହୋଇଥିଲେ । ପରେ ଏନେଇ ଅଭିଯୋଗକାରିଣୀ ସୁସ୍ଥ ହୋଇ ମୈତ୍ରୀବିହାର ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ ପୁଲିସ ମାମଲା ରୁଜୁକରି ତଦନ୍ତ ଚଳାଇ ଆଜି ଲୁଟେରାକୁ ଗିରଫ କରିଛି ।
