ରାଜ୍ୟର ୮୭ ଜେଲ୍ରେ ରହିଛନ୍ତି ୧୬ ହଜାରରୁ ଅଧିକ କଏଦୀ: ବଢ଼ିଛି ବିଚାରାଧିନ କଏଦିଙ୍କ ସଂଖ୍ୟା
Henamanjaree Swain
ଭୁବନେଶ୍ୱର : ଓଡ଼ିଶାରେ ବର୍ତ୍ତମାନ ୮୭ଟି ଜେଲ୍ ରହିଥିବାବେଳେ ସେସବୁ ଜେଲ୍ରେ ମୋଟ ୧୬,୩୧୮ କଏଦୀ ରହିଛନ୍ତି । ଏନେଇ ସୋମବାର ରାଜ୍ୟ ବିଧାନସଭାରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ସୂଚନା ଦେଇଛନ୍ତି ।
ରାଜ୍ୟରେ କେତୋଟି ଜେଲ୍ ଅଛି ଓ କେତେ କଏଦୀ ଅଛନ୍ତି? ଜେଲମାନଙ୍କରେ କ୍ଷମତା କେତେ ଅଛି? କ୍ଷମତା ବାହାରେ ଅଧିକ ସଂଖ୍ୟାରେ କଏଦୀ ଅଛନ୍ତି କି? ନୂତନ ଜେଲ୍ ଗଠନ ହେବାର ଯୋଜନା ଅଛି କି? କେତେ ଆଜୀବନ କଏଦୀ ଅଛନ୍ତି ଓ କେତେ ବିଚାରାଧିନ କଏଦୀ ଅଛନ୍ତି? ବୋଲି ବାଲିଗୁଡ଼ା ବିଧାୟକ ଚକ୍ରମଣି କନହର ପ୍ରଶ୍ନ କରିଥିଲେ ।
ଏହାର ଉତ୍ତରରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ କହିଛନ୍ତି ଯେ, ରାଜ୍ୟର ବିଭିନ୍ନ ଜେଲ୍ର ମୋଟ କ୍ଷମତା ୨୪,୧୯୬, ଯେଉଁଥିରେ ବର୍ତ୍ତମାନ ୧୬,୩୧୮ ଜଣ କଏଦୀ ବନ୍ଦୀ ଅଛନ୍ତି, ଯାହା ମୋଟ କଏଦୀ କ୍ଷମତାର ୬୭.୪୪ ପ୍ରତିଶତ ବୋଲି ମୁଖ୍ୟମନ୍ତ୍ରୀ କହିଛନ୍ତି । ମୁଖ୍ୟମନ୍ତ୍ରୀ ଗୁରୁତ୍ୱାରୋପ କରି କହିଥିଲେ ଯେ, ଯଦିଓ କିଛି ଜେଲ୍ରେ ଅଧିକ ଲୋକ ରହୁଛନ୍ତି । ବିଶେଷକରି ବିଚାରାଧୀନ କଏଦୀଙ୍କ ସଂଖ୍ୟା ବୃଦ୍ଧି ଯୋଗୁ ମୋଟ ଜେଲ୍ ଜନସଂଖ୍ୟା ରାଜ୍ୟର ମୋଟ କ୍ଷମତାଠାରୁ ବହୁତ କମ୍ ରହିଛି । ସେ କିଛି ଜେଲ୍ରେ ଅଧିକ ଲୋକ ରହୁଛନ୍ତି କାରଣ ବିଚାରାଧୀନ କଏଦୀଙ୍କ ସଂଖ୍ୟା ଅସ୍ଥାୟୀ ଭାବରେ ବୃଦ୍ଧି ପାଇଛି । ଭିଡ଼ ହ୍ରାସ କରିବା ଯୋଜନା ସମ୍ପର୍କରେ ସ୍ପଷ୍ଟ କରିଛନ୍ତି ଯେ ସରକାର ବର୍ତ୍ତମାନ ନୂତନ ଜେଲ୍ ନିର୍ମାଣ ପାଇଁ ପ୍ରସ୍ତାବ ଦେଇନାହାନ୍ତି । ଜାନୁଆରୀ ୩୧, ୨୦୨୫ ସୁଦ୍ଧା ରାଜ୍ୟରେ ୨,୦୭୮ ଜଣ ଆଜୀବନ କଏଦୀ ଏବଂ ୧୨,୫୩୨ ଜଣ ବିଚାରାଧୀନ କଏଦୀ ଅଛନ୍ତି ବୋଲି ସେ ସ୍ପଷ୍ଟ କରିଛନ୍ତି ।
