ରାମମନ୍ଦିର ଏକ ବର୍ଷ ପୂର୍ତ୍ତିରେ ଦୀପଦାନ
Rasmita Behera
5834
କଟକ: କଟକ ମହାନଗର ନିଗମ ଅନ୍ତର୍ଗତ ୫୭ ନଂ ୱାର୍ଡ଼ ଅଧୀନ କାଠଯୋଡ଼ି ନଦୀ ପାଶ୍ୱର୍ ଶ୍ରୀକୋରୁଆ ସ୍ଥିତ ମଙ୍ଗଳା ମନ୍ଦିର ପୀଠରେ ଅଯୋଧ୍ୟାରେ ମର୍ଯ୍ୟାଦାପୁରୁଷ ଶ୍ରୀରାମଚନ୍ଦ୍ରଙ୍କ ମନ୍ଦିର ନିର୍ମାଣର ଏକବର୍ଷ ପୂର୍ତ୍ତି ପାଳନ ଅବସରରେ ୧୦୮ ଦୀପ ଦାନ କରାଯିବା ସହ ଏକ ଭଜନ ସମାରୋହ ଅନୁଷ୍ଠିତ ହୋଇଯାଇଛି । ଏହି ଅବସରରେ ହୋମଯଜ୍ଞ, ରାମଧୂନ ଓ ପୂଜାର୍ଚ୍ଚନା ଅନୁଷ୍ଠିତ ହୋଇଥିଲା । ଏହି ଧାର୍ମିକ କାର୍ଯ୍ୟକ୍ରମରେ ଆମନ୍ତ୍ରିତ ଅତିଥି ଭାବେ ସମାଜସେବୀ ସୁକାନ୍ତ ସେଠୀ, ଲିଙ୍ଗରାଜ ସାହୁ, ଅକ୍ଷୟ ରଂଜନ ଦାସ ପ୍ରମୁଖ ଯୋଗ ଦେଇଥିଲେ । ପୁରୋହିତ ରାଧେଶ୍ୟାମ ମିଶ୍ର ପୂଜାର୍ଚ୍ଚନା କରିଥିଲେ । ଜୟରାମ ନାୟକ, ବୁଲୁ ଦାସ, ଦୀପକ ବେହେରା, ଚନ୍ଦ୍ରକାନ୍ତ ଭୋଇ, ମଂଗୁ ଭୋଇ, ଅମର ଭୋଇ, ରଂଜନ ନାୟକ ଓ ଲକ୍ଷ୍ମୀଧର ଭୋଇ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ । ଏହି କାର୍ଯ୍ୟକ୍ରମରେ ଆଖପାଖ ଅଂଚଳର ବହୁ ବୁଦ୍ଧିଜୀବୀଙ୍କ ସମେତ ମହିଳାମାନେ ଯୋଗ ଦେଇଥିଲେ ।
