ଶିବମୁନି ଯୋଗାଶ୍ରମର ବାର୍ଷିକ ଉତ୍ସବ
Rasmita Behera
ବନ୍ତ: ପ୍ରତିବର୍ଷ ପରି ଚଳିତ ବର୍ଷ ବନ୍ତ ବ୍ଲକ୍ ରାମଚନ୍ଦ୍ରପୁର ପଂଚାୟତ ନିମପଡ଼ା ଠାରେ ଥିବା ଶିବମୁନି ଯୋଗାଶ୍ରମର ବାର୍ଷିକ ଉତ୍ସବ ଶନିିବାର ଅନୁଷ୍ଠିତ ହୋଇଥିଲା । ଯୋଗୀ ଜଗନ୍ନାଥ ମିଶ୍ରଙ୍କ ଦ୍ୱାରା ପ୍ରଥମେ ଯୋଗ ପତାକା ଉତୋଳନ କରାଯାଇ ପରେ ମୁନି ନରେନ୍ଦ୍ର ବିଶ୍ୱାଳଙ୍କ ସଭାପତିତ୍ୱରେ ଅନୁଷ୍ଠିତ ଉତ୍ସବରେ ଯୋଗୀ ଶ୍ରୀ ମିଶ୍ର, ଡ଼ ପୁର୍ଣ୍ଣଚନ୍ଦ୍ର ସାହୁ, ମୁନି ସୁଧାକର ରାଉତ, ବସନ୍ତ ଜେନା, ବିଧୁଭୂଷଣ ବିଶ୍ୱାଳ, ତରଣୀ ସେନ ବାରିକ, ଗଣେଶ ପ୍ରସାଦ ସାହୁ, ସୁଭେନ୍ଦୁ ବିଶ୍ୱାଳ ପ୍ରମୁଖ ଯୋଗ ଦେଇ ଯୋଗାଭ୍ୟାସ ଦା୍ୱରା ମଣିଷ ସୁସ୍ଥ ରହିବା ସହ ସମଗ୍ର ମାନବ ସମାଜ ସୁସ୍ତ ରହିପାରିବେ ବୋଲି ଉପଦେଶ ଦେଇଥିଲେ । ରବିନ୍ଦ୍ର ବାରିକ, ଶୁକଦେବ ବାରିକ ଯୋଗ ସଂଗୀତ ଗାନ କରିଥିଲେ । ଉପସ୍ଥିତ ଯୋଗୀ ଓ ମୁନି ମାନେ ମଧ୍ୟ ଭଗବତ୍ ଗୀତା, ଭାଗବତ ପାଠ, ଶିବମୁନି ସାହିତ୍ୟ , ନିଶ୍ୱାସ ତତ୍ତ୍ୱ ଉପରେ ଆଲୋଚନା କରିଥିଲେ । ଉକ୍ତ ଉତ୍ସବରେ ଅନ୍ନପୁର୍ଣର୍ା ବାରିକ, ତୁଳସୀ ସାହୁ, ନୟନା ପାତ୍ର, କିଶୋର ବିଶ୍ୱାଳ, ସଂଯୁକ୍ତା ବିଶ୍ୱାଳ, କମଳା ବିଶ୍ୱାଳ, କାମିନୀ ବିଶ୍ୱାଳଙ୍କ ସହ ବହୁ ବ୍ୟକ୍ତି ଯୋଗ ଦେଇଥିଲେ ।
