ସମାଲୋଚକଙ୍କ ମୁହଁରେ ଭେଙ୍କଟେଶଙ୍କ ଚାପୁଡ଼ା
Rasmita Behera
ନୂଆଦିଲ୍ଲୀ : କୋଲକାତା ନାଇଟ ରାଇଡର୍ସ ଆଇପିଏଲ୍ ପୂର୍ବରୁ ଭେଙ୍କଟେଶ ଆୟରଙ୍କୁ ମୁକ୍ତ କରିଥିଲା । ହେଲେ ମେଗା ନିଲାମରେ ତାଙ୍କୁ ଫେରାଇ ଆଣିବା ପାଇଁ ୨୩.୭୫ କୋଟି ଟଙ୍କା ଖର୍ଚ୍ଚ କରିଥିଲା । ଯାହା ଆଇପିଏଲ୍ ଇତିହାସରେ ତୃତୀୟ ସର୍ବାଧିକ ପରିମାଣରେ ପରିଣତ ହୋଇଥିଲା । ରିଷଭ ପନ୍ତଙ୍କୁ ୨୭ କୋଟି, ଶ୍ରେୟସ ଆୟରଙ୍କୁ ୨୬.୭୫ କୋଟି ଏବଂ ଭେଙ୍କଟେଶଙ୍କୁ ୨୩.୭୫ କୋଟି ଟଙ୍କାରେ କିଣାଯାଇଥିଲା । ଆଇପିଏଲରେ ଭେଙ୍କଟେଶ ଆୟର ସନରାଇଜର୍ସ ହାଇଦ୍ରାବାଦ ବିପକ୍ଷରେ ୨୯ ବଲରେ ୬୦ ରନର ଇନିଂସ ଖେଳିଥିଲେ । ଏହି ଇନିଂସ ଖେଳିବା ପରେ ସେ ତାଙ୍କ ସମାଲୋଚକଙ୍କ ମୁହଁରେ ଏକ ଶକ୍ତ ଚାପୁଡ଼ା ମାରିଥିଲେ । ପ୍ରକୃତରେ, କୋଲକାତା ନାଇଟ ରାଇଡର୍ସର ଉପଅଧିନାୟକ ଭେଙ୍କଟେଶ ଆୟର ସନରାଇଜର୍ସ ହାଇଦ୍ରାବାଦ ବିପକ୍ଷରେ ଖେଳାଯାଇଥିବା ମ୍ୟାଚ୍ରେ ବ୍ୟାଟରେ ଚମକôାର ପ୍ରଦର୍ଶନ କରିଥିଲେ । ସେ ମ୍ୟାଚ୍ରେ ଚମକôାର ପ୍ରଦର୍ଶନ ସହିତ ଫର୍ମକୁ ଫେରିଥିଲେ ଏବଂ ଏହା ମଧ୍ୟ ସ୍ପଷ୍ଟ କରିଥିଲେ ଯେ ତାଙ୍କର ୨୩.୭୫ କୋଟି ଟଙ୍କାର ମୂଲ୍ୟ ଅର୍ଥ ନୁହେଁ ଯେ ତାଙ୍କୁ ପ୍ରତ୍ୟେକ ମ୍ୟାଚ୍ରେ ବଡ଼ ସ୍କୋର କରିବାକୁ ପଡିବ । ସେ କୁହନ୍ତି ଯେ ସେ ଦଳରେ ପ୍ରଭାବଶାଳୀ ଅବଦାନ ଦେବା ଉପରେ ଧ୍ୟାନ ଦିଅନ୍ତି । ସୂଚନାଯୋଗ୍ୟ, ଆଇପିଏଲ ନିଲାମରେ ଭେଙ୍କଟେଶ ଆୟରଙ୍କୁ କେକେଆର୍ ରାଇଟ-ଟୁ-ମ୍ୟାଚ୍ କାର୍ଡ ବ୍ୟବହାର କରି ବଜାୟ ରଖିଥିଲା । ଯାହା ପରେ ସେ ଦଳର ସବୁଠାରୁ ମହଙ୍ଗା ଖେଳାଳି ଏବଂ ଆଇପିଏଲର ତୃତୀୟ ସବୁଠାରୁ ମହଙ୍ଗା ଖେଳାଳି ହୋଇଥିଲେ । ଏହି ସିଜିନର ପ୍ରଥମ ଦୁଇଟି ମ୍ୟାଚ୍ରେ ତାଙ୍କର ପ୍ରଦର୍ଶନ ବହୁତ ଭଲ ନଥିଲା । ସେ କେବଳ ୯ ରନ କରିପାରିଥିଲେ ।
