ସିରିଜ ଦୁର୍ଘଟଣା, ଦୁଇ ଗୁରୁତର
Rasmita Behera
ାା ପ୍ରଭାନୁ୍ୟଜ୍ ।ା ନୀଳଗିରି ଶେରଗଡ ଝରଣଘାଟୀ ୧୯ ନଂ ରାଜ୍ୟ ରାଜପଥର ବାଲିଗୋହିରୀ ଛକ ନିକଟରେ ମର୍ମନ୍ତୁତ ସଡକ ଦୁର୍ଘଟଣାରେ ଦୁଇ ଜଣ ଆରୋହୀ ଗୁରୁତର ହୋଇଛନ୍ତି । ଉଦଳା ଦିଗରୁ ଗୋଟିଏ କାର ବେପରୁଆ ଗାଡି ଚାଳନା କରି ଦ୍ରୁତ ଗତିରେ ଆସି ସାମ୍ନାରେ ଯାଉଥିବା ନୀଳଗିରି ଏନଏସିର ମହେନ୍ଦ୍ର ବେହେରାଙ୍କ ବାଇକ୍କୁ ଧକ୍କା ଦେଇଥିଲା । ଫଳରେ ବାଇକ ଆରୋହୀ ବହୁ ଦୂର ପର୍ଯ୍ୟନ୍ତ ଘୋଷାରି ହୋଇଯାଇଥିବା ବେଳେ ବାଇକ୍ଟି ଅପର ପାର୍ଶ୍ୱରୁ ବିହନ ବୋହି ଆସୁଥିବା ବାଲିଗୋହିରୀ ଗ୍ରାମର ରାମଚନ୍ଦ୍ର ବେହେରାଙ୍କ ସାଇକେଲକୁ ଧକ୍କା ଦେଇଥିଲା । ମହେନ୍ଦ୍ର ଓ ରାମଚନ୍ଦ୍ର ଉଭୟ ଗୁରୁତର ହୋଇଥିବା ବେଳେ ସ୍ଥାନୀୟ ଲୋକେ ସେମାନଙ୍କୁ ଉଦ୍ଧାର କରି ପ୍ରଥମେ ନୀଳଗିରି ଉପଖଣ୍ଡ ଚିକିସôାଳୟ ଓ ପରେ ଅବସ୍ଥା ଶଙ୍କଟାପନ୍ନ ହେବାରୁ ବାଲେଶ୍ୱର ମୁଖ୍ୟ ଚିକିସôାଳୟକୁ ସ୍ଥାନାନ୍ତରିତ କରାଯାଇଥିଲା । ନୀଳଗିରି ପୁଲିସ ତଦନ୍ତ କରି ଦୁର୍ଘଟଣା ଘଟାଇଥିବା କାରକୁ ଜବତ କରିବା ସହ ଡ୍ରାଇଭରଙ୍କୁ ଅଟକ ରଖି ତଦନ୍ତ ଜାରି ରଖିଛି ।
