ସୈଫଙ୍କୁ ଛୁରାମାଡ଼ ଘଟଣା: ସନ୍ଦିଗ୍ଧ ଗିରଫ ସୈଫଙ୍କ ପୂର୍ବରୁ ଟାର୍ଗେଟରେ ଥିଲେ ଶାହରୁଖ
Rasmita Behera
ମୁମ୍ବାଇ: ସୈଫ୍ ଅଲ୍ଲୀ ଖାନଙ୍କୁ ଛୁରାମାଡ ଘଟଣାରେ ଜଣେ ସନ୍ଦିଗ୍ଧ ଯୁବକକୁ ଆଜି ଗିରଫ କରାଯାଇଛି । ମୁମ୍ବାଇ ପୁଲିସ୍ର ସ୍ପେଶାଲ ଟିମ୍ ଉକ୍ତ ଯୁବକକୁ ଗିରଫ କରିଛି । ମୁମ୍ବାଇ ବାନ୍ଦ୍ରା ସ୍ଥିତ ଘରେ ପଶି ସୈଫ୍ଙ୍କୁ ଅଭିଯୁକ୍ତ ଛୁରାମାଡ କରି ଫେରାର ହୋଇଯାଇଥିଲା । ଛୁରି ମାଡ଼ ଘଟଣାର ଦୁଇ ଦିନ ପୂର୍ବରୁ ସୈଫ୍ ଅଲ୍ଲୀ ଖାନ୍ଙ୍କ ଫ୍ଲାଟରେ କାମ କରୁଥିବା ଜଣେ କାର୍ପେଣ୍ଟରଙ୍କୁ ମୁମ୍ବାଇ ପୁଲିସ ଅଟକ ରଖିଛି । ୱାରିସ ଅଲ୍ଲୀ ସଲମାନି ନାମକ ଏହି ବ୍ୟକ୍ତି ଅନୁପ୍ରବେଶକାରୀଙ୍କ ପରି ଦେଖାଯାଉଥିବାରୁ ତାଙ୍କୁ ପଚରାଉଚରା ପାଇଁ ବାନ୍ଦ୍ରା ପୁଲିସ ଷ୍ଟେସନକୁ ନିଆଯାଇଥିଲା । ଘଟଣାର ଦୁଇ ଦିନ ପୂର୍ବରୁ ସଲମାନି ଅଭିନେତାଙ୍କ ଫ୍ଲାଟରେ କାମ କରୁଥିଲେ ଏବଂ ତାଙ୍କୁ କାର୍ପେଣ୍ଟ୍ରି କାମ ପାଇଁ ନିଯୁକ୍ତ କରିଥିବା ଠିକାଦାରଙ୍କ ଦ୍ୱାରା ଆକ୍ରମଣ ବିଷୟରେ ସୂଚନା ଦିଆଯାଇଥିଲା ବୋଲି ଅଧିକାରୀ ଜଣକ କହିଛନ୍ତି । ଏହା ନିଶ୍ଚିତ ହୋଇନାହିଁ ଯେ ସେ ସେହି ବ୍ୟକ୍ତି ଯିଏ ଗତକାଲି ଅଭିନେତାଙ୍କ ଘରେ ପଶି ତାଙ୍କୁ ଆକ୍ରମଣ କରିଥିଲା । ମିଳିଥିବା ସୂଚନା ଅନୁଯାୟୀ, ଖାନଙ୍କୁ ଆକ୍ରମଣ କରିଥିବା ବ୍ୟକ୍ତିଙ୍କୁ ଛୁରିମାଡ଼ ଘଟଣା ପରେ ବାନ୍ଦ୍ରା ରେଳ ଷ୍ଟେସନ ନିକଟରେ ଦେଖିବାକୁ ମିଳିଥିଲା ।
ଅନ୍ୟପକ୍ଷରେ ବଲିଉଡ ଅଭିନେତା ସୈଫ ଅଲି ଖାନଙ୍କୁ ବାନ୍ଦ୍ରାସ୍ଥିତ ତାଙ୍କ ଫ୍ଲାଟରେ ଆକ୍ରମଣ ପୂର୍ବରୁ କିଙ୍ଗ ଖାନ୍ ଶାହରୁଖଙ୍କୁ ଟାର୍ଗେଟ କରାଯାଇଥିଲା । ମୁମ୍ବାଇ ପୁଲିସର ଏକ ବିଶେଷ ସୂତ୍ରରୁ ଏଭଳି ଚାଞ୍ଚଲ୍ୟକର ତଥ୍ୟ ସାମ୍ନାକୁ ଆସିଛି । ଯେଉଁ ଆତତାୟୀ ସୈଫଙ୍କୁ ଆକ୍ରମଣ କରିଥିଲେ ତାଙ୍କରି ଭଳି ଜଣେ ଦୁର୍ବୃତ୍ତ ଦିନକ ପୂର୍ବରୁ ଶାହରୁଖଙ୍କ ବାସଭବନ ‘ମନ୍ନତ’ ଉପରେ ନଜର ରଖିଥିଲେ ବୋଲି ଜଣାପଡ଼ିଛି ।
