ସୋରୁମରୁ ଏସି ମେସିନ ଚୋରି ; ଲୁଟେରା ଗିରଫ
Jitendra Sahu
ଭୁବନେଶ୍ୱର, ୦୫ା୬ : କ୍ୟାପିଟାଲ ଥାନା ଅଧିନ ଅଶୋକ ନଗର ଠାରେ ଥିବା ଏକ ଏସି ସୋରୁମରୁ ବିଳମ୍ବିତ ରାତିରେ ଲାଗିଥିବା ଏସି ଓ ଆଇରନ ରଡ଼ ଚୋରି କରିଥିବା ଅଭିଯୋଗ । ଏନେଇ କ୍ୟାପିଟାଲ ଥାନା ପୁଲିସ ମାମଲା ରୁଜୁକରି ତଦନ୍ତ ଚଳାଇ ଆଜି ଲୁଟେରାକୁ କାବୁ କରିବା ସହ ତାଠାରୁ ଏକ ଏସି ମେସିନ୍ ଓ କିଛି ଲୁହା ରଡ଼ ଜବତ କରାଯାଇଛି । ଗିରଫ ଅଭିଯୁକ୍ତ ହେଲା, ଲକ୍ଷ୍ମୀସାଗର ଅଞ୍ଚଳର ସନିଆ ପାତ୍ର ଓରଫ (ପାଗଳ) । ଆଜି ତାକୁ କୋର୍ଟ ଚାଲାଣ କରାଯାଇଛି ।
ସୂଚନାଯୋଗ୍ୟଯେ, ଅଭିଯୋଗକାରୀ ସରୋଜକାନ୍ତ ଶତପଥୀ ଅଶୋକ ନଗର ଠାରେ ଥିବା ବାଟା ସୋ-ରୁମର ଷ୍ଟୋର ମ୍ୟାନେଜର ଭାବେ କାର୍ଯ୍ୟ କରନ୍ତି । ଗତ ମଇ ମାସ ୨୦ ତାରିଖ ବିଳମ୍ବିତ ରାତିରେ ଅଭିଯୁକ୍ତ ଜଣକ ଉକ୍ତ ସୋ-ରୁମରେ ଲାଗିଥିବା ଏସି ମେସିନର ଆଉଟଡୋର ୟୁନିଟ୍ ସବୁକୁ ଚୋରିକରି ନେଇଯାଇଥିଲା । ସକାଳୁ ଚୋରି ହୋଇଥିବା ଜାଣି ଷ୍ଟୋର ମ୍ୟାନେଜର କ୍ୟାପିଟାଲ ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ ପୁଲିସ ୨୮୬ରେ ମାମଲା ରୁଜୁକରି ତଦନ୍ତ ଚଳାଇ ଆଜି ଲୁଟେରାକୁ ଗିରଫ କରିବା ସହ ତାଠାରୁ ଚୋରି ସାମଗ୍ରୀ ଜବତ କରିଛି । ପରେ ତାକୁ ଦଫା ୩୭୯ରେ କୋର୍ଟ ଚାଲାଣ କରାଯାଇଛି ।
