୨ ଅଭିଯୁକ୍ତ ଗିରଫ; ୧୦ କେଜି ଗଞ୍ଜେଇ ଜବତ
Jitendra Sahu
ଭୁବନେଶ୍ୱର, ୨୦ା୧୨ : ଗୋଟିଏ ଦିନରେ ତମାଣ୍ଡୋ ଥାନା ପୁଲିସ ଜାଲରେ ୨ଟି ମାମଲାର ୨ ଅଭିଯୁକ୍ତ । ଜଣେ ଗଞ୍ଜେଇ ବେପାରୀ ହୋଇଥିବା ବେଳେ, ଅନ୍ୟ ଜଣେ ଲୁଟେରା । କନ୍ଧମାଳରୁ ଗଞ୍ଜେଇ ବେପାରୀ ଗଞ୍ଜେଇ ଆଣି ଗ୍ରାହକ ଅପେକ୍ଷାରେ ଥିବା ବେଳେ ଧରିଲା ପୁଲିସ । ତାଠାରୁ ୧୦ କେଜି ଗଞ୍ଜେଇ ଜବତ କରାଯାଇଥିବା ବେଳେ ଲୁଟେରା ଠାରୁ ଏକ ବାଇକ ଜବତ କରାଯାଇଛି । ଗିରଫ ଅଭିଯୁକ୍ତ ହେଲା, ଖଣ୍ଡଗିରି ଜଦୁପୁରର ଏମଡି ଜାୱେଦ୍ । ଲୁଟେରା ହେଲା ଦିନେଶ କୁମାର ଦାସ ।
ସୂଚନାଯୋଗ୍ୟ ଯେ, ଗତ ଫେବୃୟାରୀ ମାସ ୧୪ ତାରିଖ ସନ୍ଧ୍ୟା ସମୟରେ ଅଭିଯୋଗକାରୀ ସଞ୍ଜିତ୍ ମହାପାତ୍ର ନିଜ ଡୁ୍ୟଟି ସାରି ଘରକୁ ଫେରୁଥିବା ବେଳେ, ଅଭିଯୁକ୍ତ ଓ ତାର ୨ ସହଯୋଗୀ ହଠାତ ଘେରିଯାଇ ତାଙ୍କୁ ମରଣାନ୍ତକ ଆକ୍ରମଣ କରି ତାଙ୍କର ବାଇକ ଓ ବେକରୁ ସୁନା ଚେନ୍ ଝାମ୍ପିନେଇ ଫେରାର ହୋଇଯାଇଥିଲେ । ଏନେଇ ଅଭିଯୋଗକାରୀ ତମାଣ୍ଡୋ ଥାନାରେ ଅଭିଯୋଗ କରିଥିଲେ । ପରେ ପୁଲିସ ମାମଲା ରୁଜୁକରି ତଦନ୍ତ ଚଳାଇ ଆଜି ଜଣେ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛି । ଗିରଫ ଅଭିଯୁକ୍ତ ହେଲା, ବରମୁଣ୍ଡା ଜଗନ୍ନାଥ ବିହାରର ଦିନେଶ କୁମାର ଦାସ ।
