୨୬ତମ ସାମ୍ବତ୍ସରିକ ସମାରୋହ

 ପୁରୀ: ଅଠରନଳା ସ୍ଥିତ ଭଗବତୀ ବିଦ୍ୟା ନିକେତନର ୨୬ତମ ସାମ୍ବତ୍ସରିକ ସମାରୋହ ଆଖଣ୍ଡଳମଣି ମନ୍ଦିର ତପୋବନ ପରିସରରେ ଅନୁଷ୍ଠିତ ହୋଇଯାଇଛି । ସ୍କୁଲ ସଭାପତି ପ୍ରାଣକୃଷ୍ଣ ମହାପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସମାରୋହକୁ ସୁରେନ୍ଦ୍ର ନାଥ ଦାଶ ଉଦ୍ଘାଟନ କରିଥିଲେ  । ଅନ୍ୟମାନଙ୍କ ମଧ୍ୟରେ ଓଡ଼ିଆ ବିଶ୍ୱବିଦ୍ୟାଳୟର କୁଳପତି ଡ. ସବିତା ପ୍ରଧାନ ମୁଖ୍ୟ ଅତିଥି, ଅତିରିକ୍ତ ଜିଲ୍ଲା ଶିକ୍ଷାଧିକାରୀ ମମତା ମିଶ୍ର ମୁଖ୍ୟବକ୍ତା ଏବଂ ପୂର୍ବତନ ବିଧାୟକ ଜୟନ୍ତ ଷଡ଼ଙ୍ଗୀ, ଲାୟନ୍ସ କ୍ଲବ୍ ଡିସ୍ଟ୍ରିକ୍ଟ ଚେୟାରପର୍ସନ ସମାଜସେବୀ ଗିରୀଶ ଚନ୍ଦ୍ର ନାୟକ, ପୁରୀ ସଦର ମଣ୍ଡଳ ଶିକ୍ଷାଧିକାରୀ ପ୍ରମୋଦ କର, ଶାନ୍ତି ନିକେତନ ବିଶ୍ୱଭାରତୀ ବିଶ୍ୱବିଦ୍ୟାଳୟର ପ୍ରଫେସର ମନୋରଞ୍ଜନ ପ୍ରଧାନ ସମ୍ମାନିତଅତିଥି ଭାବେ ଯୋଗ ଦେଇଥିଲେ । ଏହି ସଭାରେ ସହସମ୍ପାଦକ ଲକ୍ଷ୍ମୀଧର ମାଝୀ ପ୍ରାରମ୍ଭିକ ସୂଚନା ପ୍ରଦାନ କରିଥିବା ବେଳେ, ପ୍ରଧାନଶିକ୍ଷୟିତ୍ରୀ କ୍ରିଷ୍ଣା କୁମାରୀ ଦେଇ ଅତିଥି ପରିଚୟ ଏବଂ ସ୍ୱାଗତ ଭାଷଣ ଦେଇଥିଲେ  । ସମ୍ପାଦକ ମହେନ୍ଦ୍ର ବିଶୋଇ ସମ୍ପାଦକୀୟ ବିବରଣୀ ପାଠ କରିଥିଲେ  । ସ୍କୁଲର ସ୍ମରଣିକା ପ୍ରତିଜ୍ଞା ଏବଂ ସନ୍ ଡେ ଫନ୍ ଡେ ଲୋଗୋ ଅତିଥିଙ୍କ ଦ୍ୱାରା ଉନ୍ମୋଚିତ ହୋଇଥିଲା । ଗଭୀର ଅଧ୍ୟାବସାୟ ଏବଂ ଏକାଗ୍ରତା ହିଁ ଶ୍ରେଷ୍ଠତା ଆଣିଥାଏ । ଶିକ୍ଷାସେବା କ୍ଷେତ୍ରରେ ଉଲ୍ଲେଖନୀୟ ଅବଦାନ ନିମନ୍ତେ ରାଜକିଶୋର ସାହୁ, ବିଶ୍ୱନାଥ ଦେବ, ଶିକ୍ଷୟିତ୍ରୀ ମାନସୀ ଦାଶଙ୍କୁ ଶିକ୍ଷକ ଗୌରବ ସମ୍ମାନ ପ୍ରଦାନ କରାଯାଇଥିଲା  । ସେହିଭଳି ଡ. ସନ୍ତୋଷ ମିଶ୍ରଙ୍କୁ କୈଳାସ ରାୟ ସ୍ମୃତି ସମ୍ମାନ, ଜାତୀୟ ପୁରସ୍କାର ପ୍ରାପ୍ତ ଆଶାକର୍ମୀ ସୁକାନ୍ତି ଜେନାଙ୍କୁ ସ୍ୱତନ୍ତ୍ର ସମ୍ମାନରେ ସମ୍ମାନିତ କରାଯାଇଥିବାବେଳେ ରମେଶ ଚନ୍ଦ୍ର ଦାଶ ସମ୍ବର୍ଦ୍ଧନା ପର୍ବ ପରିଚାଳନା କରିଥିଲେ  । ଏହି ଅବସରରେ ପଞ୍ଚମ ଶ୍ରେଣୀରେ ସରକାରୀ ବୃତ୍ତି ଲାଭ କରିଥିବା ଓମ୍କ୍ରିଷ୍ଣା ସ୍ୱାଇଁ ଏବଂ ଅନ୍ୟାନ୍ୟ କ୍ଷେତ୍ରରେ ପାରଦର୍ଶିତା ହାସଲ କରିଥିବା କୃତି ବିଦ୍ୟାର୍ଥୀଙ୍କୁ ପୁରସ୍କୃତ କରାଯାଇଥିଲା  । କାର୍ଯ୍ୟକ୍ରମ ଶେଷରେ ପ୍ରାତଃ ବିଭାଗ ସଂଚାଳିକା ମମତା ଦାସ ଧନ୍ୟବାଦ ଅର୍ପଣ କରିଥିଲେ  । ଦିବ୍ୟାଶା ମହାନ୍ତି, ଅପରାଜିତା ଦ୍ୱିବେଦୀ, ସୁଧା ସବିତା ସାହୁ, ଲୋକନାଥ ବିଶୋଇ, ଗୋଲଡ଼ି ଭଞ୍ଜ, ବୀଣାପାଣି ପାଇକରାୟ, ମମତା ନାୟକ, ପ୍ରଜ୍ଞା ସାହୁ, ପୂଜା ସାହୁ, ସୁବ୍ରତ ମହାନ୍ତିଙ୍କ ସମେତ ସମସ୍ତ ଗୁରୁଜୀ ଗୁରୁମା ପରିଚାଳନାରେ କରିଥିଲେ  ।