୩ କେଜି ଗଞ୍ଜେଇ ଜବତ ; ତିନି ଗିରଫ
Jitendra Sahu
3617
ଭୁବନେଶ୍ୱର, ୨୦ା୮ : କନ୍ଧମାଳରୁ ଚୋରାରେ ଗଞ୍ଜେଇ ଆଣି ଭୁବନେଶ୍ୱର ତମାଣ୍ଡୋ ଅଞ୍ଚଳରେ ବିକ୍ରି କରୁଥିବା ଅଭିଯୋଗରେ ତମାଣ୍ଡୋ ଥାନା ପୁଲିସ ଆଜି ଚଢ଼ାଉ କରି ଜଣେ ମହିଳା ଓ ୨ଜଣ ପୁରୁଷ ବେପାରୀଙ୍କୁ ଗିରଫ କରିଛି । ସେମାନଙ୍କ ଠାରୁ ୩ କେଜି ଗଞ୍ଜେଇ ଓ ୩ଟି ମୋବାଇଲ ଫୋନ୍ ଜବତ କରାଯାଇଛି । ଗିରଫ ତିନି ବେପାରୀ ହେଲେ, କନ୍ଧମାଳ ଜିଲ୍ଲା ରାଇକିଆ ଅଞ୍ଚଳର ସୋନେମିଆ ଦିଗାଲ, ଧୀରଜ୍ ଦିଗାଲ ଓ ବିଜୟ ନାୟକ । ଆଜି ସମସ୍ତଙ୍କୁ କୋର୍ଟ ଚାଲାଣ କରାଯାଇଛି ।
ସୂଚନା ଯୋଗ୍ୟଯେ, ମଙ୍ଗଳବାର ସକାଳୁ ତମାଣ୍ଡୋ ଥାନା ଅଧିନ ୧୬ ନମ୍ବର ଜାତୀୟ ରାଜପଥ କଡ଼ ମଙ୍ଗୁ କ୍ରସର ନିକଟରେ ଜଣେ ମହିଳା ଓ ୨ ଜଣ ପୁରୁଷ ଲୋକ କନ୍ଧମାଳରୁ ଏକ ବସ୍ତାରେ ଗଞ୍ଜେଇ ଆଣି ଛିଡ଼ା ହୋଇଥିବା ତମାଣ୍ଡୋ ଥାନା ଅଧିକାରୀ ଜାଣିବାକୁ ପାଇଥିଲେ । ପରେ ଥାନାର ଏକ ଟିମକୁ ପଠାଇ ଘଟଣା ସ୍ଥଳରେ ଚଢ଼ାଉ କରି ୩ ଜଣଙ୍କୁ କାବୁ କରି ସେମାନଙ୍କ ଠାରୁ ୩ କେଜି ଗଞ୍ଜେଇ ଜବତ କରିଥିଲେ । ପରେ ସେମାନଙ୍କୁ ଥାନାକୁ ଆଣି ପଚରା ଉଚରା ବେଳେ ସେମାନେ କନ୍ଧମାଳରୁ ଗଞ୍ଜେଇ ଆଣି ଭୁବନେଶ୍ୱରରେ ଜଣେ ଗ୍ରାହକକୁ ବିକ୍ରି କରିବାକୁ ଅପେକ୍ଷା କରିଥିବା ପୁଲିସ ଆଗରେ ମାନିଥିଲେ । ଏନେଇ ପୁଲିସ ମାମଲା ରୁଜୁକରି ଆଜି ୩ ଜଣଙ୍କୁ କୋର୍ଟ ଚାଲାଣ କରିଛି ।
