ବିଦ୍ୟୁତ ଖୁଣ୍ଟ ସ୍ଥାନାନ୍ତର ଦାବିରେ ଧାରଣା
Rasmita Behera
4948
ଦଶରଥପୁର: ଏହି ବ୍ଲକ ପାଲଟପୁର ଗ୍ରାମର ସୁରଥ କୁମାର ବେହେରାଙ୍କ ଚାଷ ଜମି ମଝିରେ ବିଦ୍ୟୁତ ଖୁଣ୍ଟକୁ ସ୍ଥାନାନ୍ତର ଦାବିରେ ମଙ୍ଗଳପୁର ବିଭାଗୀୟ ଯନ୍ତ୍ରୀଙ୍କ କାର୍ଯ୍ୟାଳୟ ସମ୍ମୁଖରେ ପରିବାର ଲୋକେ ଧାରଣା ଦେଇଥିଲେ ।ବାରମ୍ବାର ଅଭିଯୋଗ ପରେ କେହି କର୍ଣ୍ଣପାତ ନକରିବାରୁ ନିରାଶ ହୋଇ ଧାରଣାରେ ବସିଥିଲେ । ଖବର ପାଇ ମଙ୍ଗଳପୁର ପୁଲିସ ଘଟଣାସ୍ଥଳରେ ପହଁଚି ସେମାନଙ୍କ ସହ ଆଲୋଚନା କରିଥିଲେ । ପରେ ମଙ୍ଗଳପୁର ବିଦ୍ୟୁତ ବିଭାଗ ଯନ୍ତ୍ରୀ ସୌଭାଗ୍ୟ ରଞ୍ଜନ ବେହେରାଙ୍କୁ ଡକାଇ ଆଲୋଚନା କରିଥିଲେ । ଯନ୍ତ୍ରୀ ଉପରିସ୍ଥ ଅଧିକାରୀଙ୍କ ସହ ଆଲୋଚନା କରିବା ପରେଏକ ମାସ ମଧ୍ୟରେ ଚାଷଜମି ମଝିରୁ ଖୁଣ୍ଟ ସ୍ଥାନାନ୍ତର କରାଯିବ ବୋଲି ପ୍ରତିଶୃତି ଦେବା ପରେ ପରିବାର ଲୋକେ ଧାରଣାରୁ ଉଠିଥିଲେ ।
