ବିନା ଲାଇସେନ୍ସରେ ବାଣ ବିକ୍ରି,୨ ଗିରଫ
Rasmita Behera
ହିଞ୍ଜିଳିକାଟୁ : ସରକାରୀ ନିୟମକୁ ଫୁ କରି ଚାଲିଥିଲା ବାଣ ବିକ୍ରି । ଅବାଧରେ ବିକ୍ରି ହେଉଥିଲା ବାଣ । ସରକାରୀ ନିୟମ ଅନୁସାରେ ବାଣ ବ୍ୟବସାୟୀମାନେ ଲାଇସେନ୍ସ ପରେ ବାଣ ବିକ୍ରି ପାଇଁ ଅନୁମତି ରହିଥିବା ବେଳେ ଅଧିକାଂଶ ବାଣ ଦୋକାନୀ ବିନା ଲାଇସେନ୍ସରେ ବାଣ ବିକ୍ରି କରୁଥିବା ମଧ୍ୟ ଅଭିଯୋଗ ହୋଇଛି । ଦୀପାବଳୀରେ ବାଣ ବିକ୍ରି ପାଇଁ ୧୪ଜଣ ବେପାରୀ ହିଞ୍ଜିଳି ଥାନାରେ ଆବେଦନ କରିଛନ୍ତି । ତେବେ ଗତ ବର୍ଷ ଦୁଇ ଦିନିଆ ଅନୁମତି ପାଇ ବର୍ଷତମାମ ଗୋଦାମରେ ବାଣ ରଖି ବେଆଇନ ଭାବେ ବିକ୍ରି ହେଉଥିବା ଦେଖିବାକୁ ମିଳିଥବଲା । ଆଗକୁ ଦୀପାବଳି ଆସୁଥିବା ବେଳେ ବେଆଇନ ବାଣ ବିକ୍ରି ବଢିଯାଇଛି । ହିଞ୍ଜିଳିକାଟୁ ଥାନା ଅଧୀନରେ ଅବାଧରେ ବାଣ ବିକ୍ରି ଅଭିଯୋଗରେ ୨ ବେପାରୀ ଧରାପଡ଼ିଛନ୍ତି । ହିଞ୍ଜିଳିକାଟୁ ପୌରପରିଷଦ ବ୍ଳକ୍ ଛକରେ ବିପୁଳ ପରିମାଣର ବାଣ ଗଚ୍ଛିତ ଥିବା ଖବର ପାଇ ହିଞ୍ଜିଳି ପୁଲିସ ଚଢ଼ାଉ କରି ୨ ଜଣଙ୍କୁ ଗିରଫ କରିଛି । ଏନେଇ ଥାନାରେ ୭୫୨,୭୫୩ ।୨୫ରେ ମାମଲା ରୁଜୁ କରାଯାଇ ପୁଲିସ ଅଭିଯୁକ୍ତକୁ କୋର୍ଟ ଚାଲାଣ କରିଛି । ଏହାସହ ଉକ୍ତ ଅଞ୍ଚଳରେ ବିନା ଲାଇସେନ୍ସରେ ବାଣ ଦୋକାନ ନକରିବା ପାଇଁ ପୁଲିସ ପ୍ରଶାସନ ବ୍ୟବସାୟୀଙ୍କୁ କଡ଼ା ତାଗିଦ କରିଛି ।
