ବିଭିନ୍ନ ସଂଗଠନ ପକ୍ଷରୁ ଶ୍ରମିକ ଦିବସ ପାଳିତ
Rasmita Behera
ପୁରୀ: ବିଭିନ୍ନ ଶ୍ରମିକ ସଂଗଠନ ପକ୍ଷରୁ ମଇ ଦିବସ ପାଳିତ ହୋଇଯାଇଛି । ନୀଳାଚଳ ଅଟୋ ଡ୍ରାଇଭର୍ସ ଆସୋସିଏସନ ପକ୍ଷରୁ ବସ୍ଷ୍ଟାଣ୍ଡ ନିକଟରେ ମଇ ଦିବସ ସମାବେଶରେ ଆୟୋଜନ କରାଯାଇଥିଲା । ଆସୋସିଏସନର ଉପଦେଷ୍ଟା ଶ୍ରମିକ ନେତା ଆଡ଼ଭୋକେଟ ଶ୍ରୀକାନ୍ତ ପରିଜା ପତାକା ଉତ୍ତୋଳନ କରିଥିବାବେଳେ ସଂଘର ସଭାପତି ପ୍ରଦୀପ୍ତ କୁମାର ନାୟକ ଅଧ୍ୟକ୍ଷତା କରିଥିଲେ । ଅନ୍ୟମାନଙ୍କ ମଧ୍ୟରେ ଉପସଭାପତି ଦୀନମଣି ସାହୁ, ସଂପାଦକ ସତ୍ୟନାରାୟଣ ମହାପାତ୍ର, ସହ ସଂପାଦକ ମନୋଜ କୁମାର ସାହୁ, କୋଷାଧ୍ୟକ୍ଷ ପ୍ରଶାନ୍ତ କୁମାର ମହାନ୍ତି, ସହ କୋଷାଧ୍ୟକ୍ଷ ସନ୍ତୋଷ କୁମାର ପାଢୀ ପ୍ରମୁଖ ଉପସ୍ଥିତ ଥିଲେ । ସଭାପତି ସଂଘର ପତାକା ଉତ୍ତୋଳନ କରିବା ସହ ଉଦ୍ବୋଧନ ଦେଇ ମଇ ଦିବସର ତାତ୍ପର୍ଯ୍ୟ ଓ ଶ୍ରମିକମାନଙ୍କର ଅଧିକାର ବିଷୟରେ ଆଲୋଚନା କରିଥିଲେ । ଶ୍ରମିକମାନେ ଐକ୍ୟବଦ୍ଧ ହୋଇ ନିଜର ନାର୍ଯ୍ୟ ଗଣତାନ୍ତ୍ରିକ ଅଧିକାର ହାସଲ କରିବାକୁ ସେ ଆହ୍ୱାନ ଜଣାଇଥିଲେ । କାର୍ଯ୍ୟକାରୀ କମିଟି ସଭ୍ୟ ସୁରେନ୍ଦ୍ର ପଲେ୍ଇ, ନବକିଶୋର ମାହାନା, ସନ୍ତୋଷ କୁମାର ସ୍ୱାଇଁ, ପ୍ରସନ୍ନ କୁମାର ମହାନ୍ତି, ମନୋଜ କୁମାର ଦାସ, ଅଟଳ ବିହାରୀ ସିଂ, ଅକ୍ଷୟ ମନ୍ତ୍ରୀ, ଅନିରୁଦ୍ଧ ଭୋଇ ଓ ପ୍ରମୋଦ କୁମାର ପଟ୍ଟନାୟକ ପ୍ରମୁଖ ଯୋଗ ଦେଇଥିଲେ । ବାବା ଆଖଣ୍ଡଳମଣି ଅଟୋଚାଳକ ଆସୋସିଏସନ ପକ୍ଷରୁ ମଧ୍ୟ ଆନ୍ତର୍ଜାତିକ ଶ୍ରମିକ ଦିବସ ପାଳନ କରାଯାଇଥିଲା । ସଂଘର ସଭାପତି ପ୍ରମୋଦ କୁମାର ଜେନା ପତାକା ଉତ୍ତୋଳନ କରି ଶ୍ରମିକ ଦିବସର ତାତ୍ପର୍ଯ୍ୟ ବିଷୟରେ ଆଲୋଚନା କରିଥିଲେ ।
