ରାଷ୍ଟ୍ରପତି ପୁରସ୍କାରପ୍ରାପ୍ତ ଶିକ୍ଷକଙ୍କୁ ସମ୍ବର୍ଦ୍ଧନା
Rasmita Behera
ମାଲକାନଗିରି : ମାଲକାନଗିରି ଜିଲ୍ଲା କୋରୁକୋଣ୍ଡା ବ୍ଲକ ସୋମନାଥପୁର ପଞ୍ଚାୟତ ଅନ୍ତର୍ଗତ କଣ୍ଡେଲ ଉଚ୍ଚ ପ୍ରାଥମିକ ବିଦ୍ୟାଳୟର ଶିକ୍ଷକ ବସନ୍ତ କୁମାର ରଣା ଗୁରୁ ଦିବସରେ ନୂଆଦିଲ୍ଲୀ ସ୍ଥିତ ବିଜ୍ଞାନ ଭବନ ଠାରେ ଆୟୋଜିତ କାର୍ଯ୍ୟକ୍ରମରେ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଠାରୁ ଉତ୍ତମ ଶିକ୍ଷକ ଭାବେ ପୁରସ୍କାର ଗ୍ରହଣ କରିବା ପରେ ଆଜି ନିଜ ଅଞ୍ଚଳ କଣ୍ଡେଲ ଗ୍ରାମରେ ପହଞ୍ଚôଥିଲେ । ଶିକ୍ଷକଙ୍କର ଏପରି ସଫଳତାକୁ ଗ୍ରାମବାସୀ ଅତି ଆନନ୍ଦ ସହକାରେ ପାଳନ କରିଥିଲେ । ଏଥିନିମନ୍ତେ ଶିକ୍ଷକ ଶ୍ରୀ ରଣାଙ୍କୁ ମହେଶ୍ୱରପୁର ଛକ ଠାରୁ କଣ୍ଡେଲ ଗ୍ରାମ ପର୍ଯ୍ୟନ୍ତ ବାଜା, ବାଣ ଏବଂ ରୋଷଣୀ ମାଧ୍ୟମରେ ଆଦିବାସୀ ସଙ୍ଗୀତର ତାଳେ ତାଳେ ଢେମସା ନୃତ୍ୟ କରି ସ୍ୱାଗତ ଜଣାଇ ଏକ ବିଶାଳ ରାଲି ମାଧ୍ୟମରେ ଶିକ୍ଷକଙ୍କୁ ନିଜ ଅଞ୍ଚଳକୁ ସ୍ୱାଗତ ଜଣାଇଥିଲେ ଏହି ୨ ଗ୍ରାମବାସୀ । କୁନି କୁନି ସ୍କୁଲ ଛାତ୍ରଛାତ୍ରୀ ମଧ୍ୟ ଆନନ୍ଦରେ ବିଭୋର ହୋଇ ନାଚି ନିଜର ଆଦର୍ଶ ଶିକ୍ଷକଙ୍କୁ ସ୍କୁଲ ପରିସରକୁ ପାଛୋଟି ନେଇଥିବା ଦେଖିବାକୁ ମିଳିଥିଲା । ଏହି ସମ୍ବର୍ଦ୍ଧନା ଉତ୍ସବ ସମୟରେ ଚିତ୍ରକୋଣ୍ଡା ବ୍ଲକ ଶିକ୍ଷାଧିକାରିଣୀ ଗାୟତ୍ରୀ ଦେବୀ ଏବଂ ବିଦ୍ୟାଳୟ ଶିକ୍ଷକ ଶିକ୍ଷୟିତ୍ରୀଙ୍କ ସମେତ ଶତାଧିକ ଗ୍ରାମବାସୀ ଉପସ୍ଥିତ ଥିଲେ ।
