ଏନ୍କାଉଣ୍ଟର: ୩୦ ମାଓବାଦୀ ନିପାତ : କୁଖ୍ୟାତ ବାସବରାଜ୍ ମୃତ
Rasmita Behera
ମାଲକାନଗିରି: ଛତିଶଗଡ଼ ପୁଲିସ୍ ଓ ସୁରକ୍ଷାକର୍ମୀଙ୍କୁ ଆଜି ଏକ ବଡ଼ ଧରଣର ସଫଳତା ମିଳିଛି । ଏନକାଉଣ୍ଟରରେ ଦୁର୍ଦ୍ଦାନ୍ତ ନକ୍ସଲ ନେତା ନାମ୍ବାଲା କେଶବ ରାଓ ଓରଫ ବାସବରାଜ ସମେତ ୩୦ ମାଓବାଦୀଙ୍କୁ ନିପାତ କରାଯାଇଛି । ବାସବରାଜ ମୁଣ୍ଡ ଉପରେ ୧ କୋଟି ଟଙ୍କାର ପୁରସ୍କାର ଘୋଷଣା କରାଯାଇଥିଲା ।
ବାସବରାଜ୍ ଥିଲା ସିପିଆଇଏମ(ମାଓବାଦୀ)ର ସାଧାରଣ ସମ୍ପାଦକ । ୧୯୭୦ରୁ ସେ ନକ୍ସଲ ଆନେ୍ଦାଳନ ସହ ଜଡ଼ିତ ଥିଲା । ଆଜି ନାରାୟଣପୁର ଜିଲ୍ଲାର ଆବୁଝମଦ ଅଞ୍ଚଳରେ ଥିବା ଜଙ୍ଗଲରେ ନକ୍ସଲ ବିରୋଧୀ ଅଭିଯାନ ଚାଲିଥିଲା । ଘନଘନ କୁମ୍ବିଂ ଅପରେସନ୍ ଚାଲିଥିବାବେଳେ ନକ୍ସଲଙ୍କ ପକ୍ଷରୁ ଗୁଳିମାଡ଼ ହୋଇଥିଲା । ଏହାର ଜୋରଦାର ଜବାବ ଦେଇଥିଲେ ସୁରକ୍ଷା କର୍ମୀ । ନକ୍ସଲମାନେ ମେଳି ବାନ୍ଧିଥିବା ସ୍ଥାନକୁ ସୁରକ୍ଷା କର୍ମୀମାନେ ଘେରି ଯାଇଥିଲେ । ସେହି ଅଞ୍ଚଳରେ ମାଓ ବାନକ୍ସଲମାନେ ଥିବା ନେଇ ପୂର୍ବରୁ ଗୁଇନ୍ଦା ସୂଚନା ମିଳିଥିଲା । ଫଳରେ ଜିଲ୍ଲା ରିଜର୍ଭ ଗାର୍ଡ଼ ପକ୍ଷରୁ ସେମାନଙ୍କୁ ନିପାତ କରିବା ପାଇଁ ରଣନୀତି କରାଯାଇଥିଲା । ଦୁଇ ସପ୍ତାହ ତଳେ ଛତିଶଗଡ଼ର ବିଜାପୁର ଜିଲ୍ଲାର କାରେଗୁଟ୍ଟା ଜଙ୍ଗଲରେ ଏନକାଉଣ୍ଟରରେ ୧୫ ନକ୍ସଲ ନିପାତ ହୋଇଥିଲେ ।
