ହତ୍ୟା ମାମଲା : ମା’ ପୁଅଙ୍କୁ ଆଜୀବନ
Rasmita Behera
ନବରଙ୍ଗପୁର : ହତ୍ୟା ଅଭିଯୋଗରେ ସୋମବାର ନବରଙ୍ଗପୁର ଅତିରିକ୍ତ ଦୌରାଜଜ୍ ବିଷ୍ଣୁ ପ୍ରସାଦ ମିଶ୍ର ନବରଙ୍ଗପୁର ତେନ୍ତୁଳିଖୁଣ୍ଟି ଥାନା ଅଧିନ କୁର୍ମା କୋଟ ଗାଁର ମାଆ ପୁଅଙ୍କୁ ଆଜୀବନ ସଶ୍ରମ କାରାଦଣ୍ଡ ସହ ୧୦ ହଜାର ଜରିମାନା ଦଣ୍ଡାଦେଶ ଶୁଣାଇଛନ୍ତି । ଅର୍ଥ ଅନା ଦେୟ ୬ ମାସ ଅଧିକ ଜେଲ ଦଣ୍ଡ ଭୋଗିବେ ବୋଲି ରାୟରେ ପ୍ରକାଶ କରିଛନ୍ତି । ଅଭିଯୁକ୍ତ ମାନେ ହେଲେ କୁର୍ମାକୋଟ ଗାଁ ର ଚମ୍ପାମତି କର୍କରା ଓ ତାଙ୍କ ପୁଅ ଋଷି । ୨୦୨୧ ଅଗଷ୍ଟ ୬ରେ କୁର୍ମାକୋଟ ଗାଁର ଏକ ଭୋଜି ଚାଲିଥିଲା । ଏଠାରେ ସାମାନ୍ୟ ବଚସାରୁ ଗଣ୍ଡଗୋଳ ଆରମ୍ଭ ହୋଇଥିଲା । ଏହି ଘଟଣା ପରେ ମଦନ ମୋହନ କର୍କରା ମଧ୍ୟସ୍ଥତା କରି ବୁଝାଇ ଥିଲେ । ସେହି ଦିନ ସନ୍ଧ୍ୟା ୭ଟାରେ କ୍ଷେତ୍ରବାସୀଙ୍କ ସମ୍ପର୍କୀୟୟ ଟୁମ୍ବନାଥ ଓ ଋଷି କର୍କରା ମଦନଙ୍କ ଘରକୁ ଆସିଥିଲେ । ତାଙ୍କ ଅନୁପସ୍ଥିତିରେ ଭାଉଜ ମଧୁସ୍ମିତା ଓ ମା’ ମରିଚମତିଙ୍କୁ ଟଣା ଓଟରା କରିବା ସହ ମଦନଙ୍କୁ ହତ୍ୟା କରିବା ନେଇ ଧମକ ଦେଇ ସେଠାରୁ ଫେରି ଯାଇଥିଲେ । ମଦନ ଘରକୁ ଫେରିବା ପରେ ରାତି ପ୍ରାୟ ୯,୩୦ ମିନିଟରେ ଟୁମ୍ବ ନାଥ ,ଋଷି ତାଙ୍କ ମାଆ ଚମ୍ପା ଓ ସ୍ତ୍ରୀ ମମିତା ମାରଣାସ୍ତ୍ର ଧରି ସେଠାକୁ ଆସିଥିଲେ । ଚମ୍ପା ଧରିଥିବା ଛୁରୀ ଋଷିଙ୍କୁ ଦେଇ ମଦନ କୁ ଜୀବନରେ ମାରିଦେବାକୁ କହି ଥିଲେ । ଉକ୍ତ ଛୁରୀରେ ଋଷି ମଦନଙ୍କ ଛାତିରେ ବାମ ପଟେ ଆକ୍ରମଣ କରିଥିଲେ । ସେହି ସମୟରେ ମଦନଙ୍କ ଘରେ ଥିବା ଭରତ କର୍କରା ଛୁରୀ ଛଡ଼ାଇବାକୁ ଚେଷ୍ଟା କରିବା ସମୟରେ ଟୁମ୍ବ ନାଥ ତାଙ୍କୁ ମାରଣାସ୍ତ୍ରରେ ଆକ୍ରମଣ କରିଥିଲେ । ଚିକିସôା ଧୀନ ଅବସ୍ଥାରେ ମଦନ ଙ୍କ ମୃତୁ୍ୟ ଘଟିଥିଲା । ଏନେଇ ତେନ୍ତୁଳିଖୁଣ୍ଟି ଥାନାରେ ମଦନଙ୍କ ମା ମରିଚ ମଣି ଅଭିଯୋଗ କରିଥିଲେ । ପରେ କେସ ନମ୍ବର ୧୦୫/୨୧ରେ ମାମଲା ରୁଜୁକରି ପୁଲିସ ଅଭିଯୋଗ ଫର୍ଦ୍ଦ କୋର୍ଟରେ ଦାଖଲକରିଥିଲେ । କୋର୍ଟ କେସ ନଂ ୭୬/୨୧ରେ ମାମଲାଟି ବିଚାର ଧିନ ରହି ଥିଲା । ୨୯ ଜଣ ସାକ୍ଷୀଙ୍କ ବୟାନ ଓ ପ୍ରମାଣ ଆଧାରରେ ଜିଲା ଦୌରାଜଜ୍ ବିଷ୍ଣୁ ପ୍ରସାଦ ମିଶ୍ର ଉପରୋକ୍ତା ରାୟ ଶୁଣାଇଛନ୍ତି । ମାମଲା କୁ ଅତିରିକ୍ତ ସରକାରୀ ଓକିଲ ସନ୍ତୋଷ କୁମାର ମିଶ୍ର ପରିଚାଳନା କରୁଥିଲେ ।
