ବ୍ରାଉନ୍ସୁଗାର ବେପାରୀ ଗିରଫ
Rasmita Behera
3979
ପୁରୀ : ବାସେଳି ସାହି ଥାନା ଅନ୍ତର୍ଗତ ଗିନାରୀବନ୍ତ ଆଶ୍ରମ ନିକଟରେ ବ୍ରାଉନସୁଗାର ବିକ୍ରୟ କରୁଥିବା ବେଳେ ପୁଲିସ ୨ଭାଇଙ୍କୁ ଗିରଫ କରି କୋର୍ଟ ଚାଲାଣ କରିଛି । ଏହି ୨ ଅଭିଯୁକ୍ତ ହେଲେ ସଦର ଥାନା ଅନ୍ତର୍ଗତ ନୀଳଚକ୍ର ନଗରର ସୁବାଶିଷ ପଣ୍ଡା ଓରଫ ବିକୁ (୩୭) ଓ ଦୀପକ କୁମାର ପଣ୍ଡା ଓରଫ ଦୀପୁ (୨୫) । ସେମାନଙ୍କ ଠାରୁ ପୁଲିସ୧୧ଗ୍ରାମ୍ ୫୫ମିଲିଗ୍ରାମ୍ ବ୍ରାଉନ୍ସୁଗାର, ୧୦୬୦ ଟଙ୍କା, ୨ଟି ମୋବାଇଲ, ଏକ ବାଇକ୍ ଏବଂ ସ୍କୁଟି ଜବତ କରିଛି । ଦୀପକ ନାମରେ ପୂର୍ବରୁ ବିଭିନ୍ନ ଥାନାରେ ୫ଟି ମାମଲା ରହିଥିବା ବେଳେ, ଶୁଭାଶିଷଙ୍କ ନାମରେ ୧୩ଟି ମାମଲା ରହିଛି । ଦୁହିଁଙ୍କ ନାମରେ ବାସେଳୀ ସାହି ଥାନାରେ ଏକ ମାମଲା ରୁଜୁ ହୋଇଛି ।
