ଶଙ୍ଖ ଭବନରେ ଭଦ୍ରକ କଳି, ବୁଝାଇଲେ ବବି
Biju Janata Dal
Ramachandi Prasad
ଭୁବନେଶ୍ୱର : ଶଙ୍ଖ ଭବନରେ ମୁହାଁମୁହିଁ ହୋଇଛନ୍ତି ଭଦ୍ରକ ନେତା । କିଛି ପ୍ରଭାବଶାଳୀ ନେତାଙ୍କୁ ଅନ୍ୟ ନେତାମାନେ ବିରୋଧ କରିଥିଲେ । ଫଳରେ ଗୋଟିଏ ଗୋଷ୍ଠୀ ବୈଠକ ଅଧାରୁ ଚାଲି ଆସିଥିଲେ । ସେମାନେ ନାରାବାଜି ଓ ହାଲାବୋଲ୍ କରିଥିଲେ । ଯାହାକୁ ନେଇ ଅପ୍ରୀତିକର ସ୍ଥିତି ସୃଷ୍ଟି ହୋଇଥିଲା । କିନ୍ତୁ ପ୍ରଣବ ପ୍ରକାଶ ଦାସ ଅସନ୍ତୁଷ୍ଟ ନେତାମାନଙ୍କୁ ବୁଝାଶୁଝା କରିଥିଲେ । ବବି ବୁଝାଶୁଝା କରିବା ପରେ ସେମାନେ ବୁଝି ଯାଇଥିଲେ । ପରେ ବୈଠକରେ ଯୋଗଦେଇଥିଲେ । ଅସନ୍ତୋଷ କିଛି ସମୟ ପାଇଁ ଥମିଥିଲେବି ଏବେବି ନେତାମାନଙ୍କ ମଧ୍ୟରେ ଅସନ୍ତୋଷର ନିଅାଁ କୁହୁଳିବାରେ ଲାଗିଛି । ଭଦ୍ରକ ଜିଲ୍ଲା ସମୀକ୍ଷା ବେଳେ ଏଭଳି ସ୍ଥିତି ଉପୁଜିଥିଲା । ଗତ ନିର୍ବାଚନରେ ଭଦ୍ରକରେ ବିଜେଡ଼ି ପୂର୍ବଭଳି ସଫଳତା ପାଇପାରିନାହିଁ । ଧାମନଗର ଓ ଭଦ୍ରକରେ ବିଜେପି ବାଜିମାତ୍ କରିଛି । ଚାନ୍ଦବାଲି ଓ ଭଣ୍ଡାରୀପୋଖରୀରେ ବିଜେଡ଼ି ବିଜୟ ଲାଭ କରିଛି । ସେପଟେ କଂଗ୍ରେସର ଶକ୍ତି ବି ବୃଦ୍ଧି ପାଇଛି । ନିର୍ବାଚନ ପରେ ପରେ ପ୍ରଫୁଲ୍ଲ ସାମଲଙ୍କ ଭଳି ପୁରୁଖା ନେତାଙ୍କୁ ବିରୋଧ କରାଯାଉଛି । ପ୍ରଫୁଲ୍ଲଙ୍କୁ ଭଦ୍ରକ ଦିଆଯାଇଥିବାବେଳେ ଭଣ୍ଡାରୀପୋଖରୀରୁ ସଂଜୀବ ମଲ୍ଲିକ ନିର୍ବାଚନ ଲଢ଼ିଥିଲେ । ସଂଜୀବଙ୍କ ପ୍ରତି ଜନ ଅସନ୍ତୋଷ ଥିବାରୁ ଭଦ୍ରକରେ ବିଜେଡ଼ିର ପରାଜୟ ହୋଇଥିଲା । ଭଦ୍ରକରେ ବିଜେପି ବାଜିମାତ କରିବା ପରେ ବିଜେଡ଼ି ଦୁର୍ବଳ ହୋଇଯାଇଛି ।
