ନୂତନ ଆଇନ ସଚେତନତା ଶିବିର
Rasmita Behera
ାା ପ୍ରଭାନୁ୍ୟଜ ।ା ଆନନ୍ଦପୁର : ଆନନ୍ଦପୁର ପୁଲିସ ପ୍ରଶାସନ ପକ୍ଷରୁ ନୂତନ ଆଇନ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଆନନ୍ଦପୁର ଥାନା ଅଧିନ ବଞ୍ଚୋ ପଞ୍ଚାୟତ କାର୍ଯ୍ୟାଳୟରେ ସ୍ଥାନୀୟ ସରପଞ୍ଚ ଅମର ରାଉତଙ୍କ ପ୍ରତେକ୍ଷ ସଂଯୋଜନାରେ ଆୟୋଜିତ କାର୍ଯ୍ୟକ୍ରମରେ ଆନନ୍ଦପୁର ଥାନା ଅଧିକାରୀ ଲକ୍ଷ୍ମୀକାନ୍ତ ପ୍ରଧାନ ମୁଖ୍ୟ ଅତିଥି ଭାବେ ଯୋଗ ଦେଇ ସାରା ଦେଶରେ ଲାଗୁ ହୋଇଥିବା କେତେକ ଗୁରୁତ୍ୱପୂର୍ଣ ଆଇନ ଉପରେ ଉପସ୍ଥିତ ଜନସାଧାରଣଙ୍କୁ ଅବଗତ କରାଇଥିଲେ । ସେହିପରି ଆଜିର ଆଧୁନିକ ସମାଜରେ ଦିନକୁ ଦିନ ସାଇବର କ୍ରାଇମ, ଠକେଇ ଏବଂ ବିଶେଷକରି ଛୋଟଛୋଟ ଛୁଆ ମାନଙ୍କୁ ମୋବାଇଲରେ ଖେଳୁଥିବା ସମୟରେ ଠକାମୀର ଶୀକାର ବଢ଼ିଚାଲିଛି । ତେବେ ତେବେ ଏଭଳି ଅସୁବିଧାର ସମ୍ମୁଖୀନ ହେଲେ କିପରି ଥାନାରେ ଆସି ମାମଲା ଦରଜ କରିପାରିବ । ମାମଲା କିପରି ପଞ୍ଜିକୃତ ହୋଇପାରିବ ସେନେଇ ଥାନା ଅଧିକାରୀ ଶ୍ରୀ ପ୍ରଧାନ ସୂଚନା ଦେଇଥିଲେ । କାର୍ଯ୍ୟକ୍ରମରେ ଏସଆଇ ଅଜିତ କୁମାର ବାନାରା, ଥାନା କର୍ମଚାରୀ, ନାଏବ ସରପଞ୍ଚ ବାସନ୍ତୀ ବେହେରା, ମିଶନଶକ୍ତି ସମ୍ପାଦିକା ପ୍ରମିଳା ବରାଳ, ବଞ୍ଚୋ ପଞ୍ଚାୟତ ଶାନ୍ତିକମିଟି ସଦସ୍ୟ ଯଦୁମଣୀ ପଟ୍ଟନାୟକ ପ୍ରମୁଖ ଅନ୍ୟତମ ଅତିଥୀ ଭାବେ ଯୋଗ ଦେଇଥିଲେ । କର୍ଯ୍ୟକ୍ରମରେ ଏସଏଚଜି ମହିଳା, ସ୍ଥାନୀୟ ସାଧାରଣ ଜନତା ଏବଂ ପଡୋଶୀ ଗ୍ରାମର ଲୋକ ଯୋଗ ଦେଇଥିଲେ ।
