ଟାଟା ପାୱାର ପକ୍ଷରୁ ମାଗଣା ସ୍ୱାସ୍ଥ୍ୟ ଶିବିର
Rasmita Behera
ରସୁଲପୁର: ରସୁଲପୁର ବ୍ଲକ୍ ଅନ୍ତର୍ଗତ ଭୋଟକା ପଂଚାୟତରେ ଟାଟା ପାୱାର ପକ୍ଷରୁ ମାଗଣା ସ୍ୱାସ୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି । ସରପଂଚ ସ୍ମୃତିରେଖା ରାଉତ ଶିବିରକୁ ଉଦ୍ଘାଟନ କରିଥିଲେ । ଶିବିରରେ ଶତାଧିକ ଉପଭୋକ୍ତା ପରିବାରର ଲୋକେ ଯୋଗଦେଇ ସ୍ୱାସ୍ଥ୍ୟ ପରୀକ୍ଷା କରିବା ସହ ଚିହ୍ନିତ ରୋଗ ମୁତାବକ ଔଷଧ ପ୍ରଦାନ କରାଯାଇଥିଲା । ଏହିଭଳି ସ୍ୱାସ୍ଥ୍ୟ ଶିବିର ପଂଚାୟତର ବିଭିନ୍ନ ଗ୍ରାମରେ ଆୟୋଜନ କରାଯାଇ ଜନସାଧାରଣଙ୍କୁ ସ୍ୱାସ୍ଥ୍ୟ ସହାୟତା ଓ ପରାମର୍ଶ ପ୍ରଦାନ କରାଯିବ ବୋଲି କଷ୍ଟମର ସର୍ଭିସ୍ର ଅଧିକାରିଣୀ ରୋଜିଲିନ୍ ନାହକ ସୂଚନା ଦେଇଛନ୍ତି । ଶିବିରରେ ଡ. ସୌମ୍ୟା ମିଶ୍ର, ଫାର୍ମାଶିଷ୍ଟ ପ୍ରିୟଙ୍କା ମଂଜରୀ ସାହୁ, ଏନ୍ଏମ୍ ମୋନାଲିସା ସାହୁ ପ୍ରମୁଖ ଯୋଗଦେଇ ରୋଗୀଙ୍କ ସ୍ୱାସ୍ଥ୍ୟ ପରୀକ୍ଷା, ଔଷଧ ବଂଟନ ଓ ଔଷଧ ସେବନର ପ୍ରାଣାଳୀ ସମ୍ପର୍କରେ ସୂଚନା ଦେଇଥିଲେ । ଟାଟା ପାୱାରର କର୍ମଚାରୀ ପ୍ରଜ୍ଞାମୟୀ ତ୍ରିପାଠୀ, ସୂର୍ଯ୍ୟକାନ୍ତ ରାୟ, ସନ୍ତୋଷ ସାହୁ, ମନୋରଞ୍ଜନ ସାହାଣୀ ପ୍ରମୁଖ ଯୋଗଦେଇ ଶିବିରକୁ ପରିଚାଳନାରେ ସହଯୋଗ କରିଥିଲେ ।
