ମନ୍ତ୍ରୀଙ୍କ ବଡ଼ଘୋଷଣା : ପଲ୍ଲୀସଭା ଜରିଆରେ ହେବ ପଞ୍ଚାୟତ କାମ
Minister Rabi Narayan Nayak
Ramachandi Prasad
ଭୁବନେଶ୍ୱର : ଆଗାମୀ ଦିନରେ ପଞ୍ଚାୟତରେ ଯାହା କାମ ହେବ ଗ୍ରାମ ସଭା ଓ ପଲ୍ଲିସଭା ଜରିଆରେ ହେବ । ମନ୍ତ୍ରୀ କହିଛନ୍ତିଯେ, ଆମ ଓଡିଶା ନବୀନ ଓଡିଶାରେ ୩୪୫୭ କୋଟି ଟଙ୍କାର ବ୍ୟବସ୍ଥା ହୋଇଥିଲା । ଏହି ଯୋଜନାରେ ୩୦ ରୁ ୪୦ପ୍ରତିଶତ କାମ ହୋଇଛି । ଯେଉଁ କାମ ହୋଇନାହିଁ ତାକୁ ବିଭାଗ ବିଚାର କରୁଛି । ଆମ ଓଡିଶା ନବୀନ ଓଡିଶାରେ ଯେଉଁମାନେ କାମ କରିଛନ୍ତି ସମସ୍ତଙ୍କୁ ସରକାର ପଇସା ଦେବେ । କାହାରି ବାକି ରହିବ ନାହିଁ । ଆମ ଓଡିଶା ନବୀନ ଓଡିଶା ପଇସା ଶ୍ରୀମନ୍ଦିର ପରିକ୍ରମା ପ୍ରକଳ୍ପରେ ବ୍ୟବହାର କରାଯାଇଛି । ପଞ୍ଚାୟତରେ ଯେଉଁ କୀର୍ତନ ଦଳ ବୁଲୁଥିଲେ, ସେମାନଙ୍କ ପାଇଁ ଖର୍ଚ୍ଚ ହୋଇଥିଲା । ସେମାନେ ଅର୍ଥ ପାଇନାହାନ୍ତି । ଖୁବଶୀଘ୍ର ଓଡିଶା ଦାଦନ ମୁକ୍ତ କରିବା ପାଇଁ ପଞ୍ଚାୟତିରାଜ ବିଭାଗ ଯୋଜନା କରୁଛି ।
ସେହିପରି ରାଜ୍ୟରେ ଖୁବ ଶୀଘ୍ର ଲାଗୁ ହେବ ପେସା ଆଇନ । ବିଜୁ ପଟ୍ଟନାୟକ କହିଥିଲେ ସରପଞ୍ଚ ହେଉଛନ୍ତି ମୁଖ୍ୟମନ୍ତ୍ରୀ । ଆଦିବାସୀ ଅଞ୍ଚଳର ସରପଞ୍ଚମାନଙ୍କୁ ଯେଉଁ ୨୨ଟି କ୍ଷେତ୍ରରେ କ୍ଷମତା ଦିଆଯାଇଛି, ତାହା ଏବେ ବି ବଳବତ୍ତର ଅଛି । ପେସା ଆଇନ୍ ଆସିବା ପରେ ସରପଞ୍ଚ ୧୦୦ ପ୍ରତିଶତ କ୍ଷମତା ପାଇବେ । ଗ୍ରାମସଭାକୁ ଲୋକଙ୍କ ଇଚ୍ଛା ଅନୁସାରେ କାମ କରିବାକୁ କ୍ଷମତା ମିଳିବ ବୋଲି ଗୃହରେ ଉତ୍ତର ରଖିଲେ ପଞ୍ଚାୟତିରାଜ ମନ୍ତ୍ରୀ ରବି ନାୟକ । ତେବେ ରାଜ୍ୟର ସବୁ ଗାଁକୁ ୨୦୨୫ ସୁଦ୍ଧା ବିଶୁଦ୍ଧ ପାନୀୟ ଜଳ ଯୋଗାଇବାକୁ ଲକ୍ଷ୍ୟ ରଖାଯାଇଛି ।
