ମଦ ଜବତ, ୩ ଗିରଫ
Rasmita Behera
4386
ପୁରୀ: ସାତପଡ଼ା ଅବକାରୀ ଥାନା ପକ୍ଷରୁ ବିଭିନ୍ନ ଅଞ୍ଚଳରେ ଚଢାଉ କରାଯାଇ ଦେଶୀ ମଦ ଓ ବିଅର ଜବତ କରାଯିବା ସଂଗେସଂଗେ ବେଆଇନ ଭାବେ ଏହା ବିକ୍ରି କରୁଥିବା ଅଭିଯୋଗରେ ୩ଜଣଙ୍କୁ ଗିରଫ କରାଯାଇଛି । ସଦର ରେଞ୍ଜ ଅବକାରୀ ନିରୀକ୍ଷକଙ୍କ ତତ୍ତ୍ୱାବଧାନରେ ଏହି ଚଢାଉ କରାଯାଇଥିଲା । ଚଢାଉ ବେଳେ ଗଡ଼ିଶାଗଦା ଥାନା ଅନ୍ତର୍ଗତ ବିନ୍ଦିପୁରର ଅନାମ ବଳିୟାରସିଂଙ୍କ ଠାରୁ ୩୨ଲିଟର ୫୦୦ମିଲିଲିଟର ବିଅର ଜବତ କରାଯାଇଛି । ଏ ସଂକ୍ରାନ୍ତରେ ୨୦/୨୦୨୪ ନମ୍ବର ମାମଲା ରୁଜୁ ହୋଇଛି । ସେହିଭଳି ଗଡ଼ିଶାଗଦା ଥାନା ସାନଓରା ଗ୍ରାମର ବିଭୂତି ସାହୁଙ୍କ ଠାରୁ ୫ଲିଟର ଦେଶୀ ମଦ ଜବତ କରାଯାଇ ୨୧/୨୦୨୪ ନମ୍ବର ମାମଲା ରୁଜୁ କରାଯାଇଛି । ଗଡ଼ିଶାଗଦା ଥାନା ବିନ୍ଧଣାଗ୍ରାମର ଅଶୋକ ନାୟକଙ୍କ ଠାରୁ ୫ଲିଟର ଦେଶୀ ମଦ ଜବତ କରାଯାଇ ୨୨/୨୦୨୨୪ ନମ୍ବର ମାମଲା ରୁଜୁ କରାଯାଇଛି । ଗିରଫ ଅଭିଯୁକ୍ତମାନଙ୍କୁ କଣାସର ଜେ.ଏମ୍.ଏଫ.ସି କୋର୍ଟରେ ହାଜର କରାଯାଇଛି ।
