ବିଜେଡ଼ିର କାର୍ଯ୍ୟକର୍ତ୍ତା ବୈଠକ
Rasmita Behera
ଭଣ୍ଡାରିପୋଖରୀ, ଭଣ୍ଡାରିପୋଖରୀ ବ୍ଲକ ନପଙ୍ଗ ୧୦୮ମହାଦେବ ପୀଠ ଠାରେ ବିଜେଡ଼ିର ଏକ କର୍ମୀ ସମ୍ମିଳନୀ ଅନୁଷ୍ଠିତ ହୋଇଯାଇଛି । ଜିଲ୍ଲା ପରିଷଦ ସଭ୍ୟ ଉକ୍ରଳ କେଶରୀ ମହାନ୍ତିଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ମୁଖ୍ୟ ଅତିଥି ଭାବେ ବିଧାୟକ ପ୍ରାର୍ଥୀ ସଂଜୀବ କୁମାର ମଲ୍ଲିକ ଯୋଗ ଦେଇ ଭଣ୍ଡାରିପୋଖରୀ ବାସୀଙ୍କ ସହିତ ସମ୍ପର୍କ ଦୀର୍ଘ ଦିନର ବୋଲି ଭାବ ବିହ୍ୱଳିତ କଣ୍ଠରେ କହିଥିଲେ । ଅତୀତରେ ବାପା ହୃଦାନନ୍ଦ ମଲ୍ଲିକ ଆପଣଙ୍କ ଆର୍ଶୀବଦରୁ ପ୍ରଥମେ ବିଧାୟକ ହୋଇଥିବା ସଂଜୀବ ସୂଚନା ଦେଇଥିବା ବେଳେ ରାଜନୈତିକ ଗୁରୁ ପ୍ରଫୁଲ୍ଲ ସାମଲଙ୍କ ଅକୁଣ୍ଠ ସମର୍ଥନ ଯୋଗୁଁ ସେ ଆଜି ବିଧାୟକ ପ୍ରାର୍ଥୀ ଭାବେ ନିର୍ବାଚନ ରଣାଙ୍ଗନରେ ଅବତୀର୍ଣ୍ଣ ହୋଇଥିବା ବକ୍ତବ୍ୟ ମାଧ୍ୟମରେ କହିଥିଲେ । ଏହାଛଡା ମୁଖ୍ୟମନ୍ତ୍ରୀଙ୍କ ଜନହିତକର କାର୍ଯ୍ୟ ସମ୍ପର୍କରେ ସୂଚନା ଦେଇ ଆଗାମୀ ର୍ନିବାଚନରେ ଦୁଇଟି ସଖରେ ମତ ପ୍ରଦାନ କରି ନବୀନ ପଟ୍ଟନାୟକଙ୍କ ହାତ ମୁଠାକୁ ଟାଣ କରିବା ପାଇଁଁ ଶ୍ରୀ ମଲ୍ଲିକ ଉପସ୍ଥିତ ଜନସାଧାରଣଙ୍କ ମାନଙ୍କୁ ଆହ୍ୱାନ ଦେଇଥିଲେ । ଅନ୍ୟମାନଙ୍କ ମଧ୍ୟରେ ବ୍ଲକ ଅଧ୍ୟକ୍ଷା ସୁମତୀ ସେଠୀ, ଉପାଧ୍ୟକ୍ଷ ପ୍ରଣିତକାନ୍ତି ସାମଲ, ବ୍ଲକ ବିଜେଡି ସଭାପତି ଲକ୍ଷ୍ମୀଧର ସାହୁ, ଯୁବ ବିଜେଡି ସଭାପତି ଲଳିତ ରାଉତ, ନାଏବ ସରପଞ୍ଚ ରଶ୍ମିତା ରାଉତ ପ୍ରମୁଖ ଉପସ୍ଥିତ ରହି ବିଭିନ୍ନ ବକ୍ତବ୍ୟ ପ୍ରଦାନ କରିଥିଲେ ।
